Misambu 46:8 - MUKANDA WA MYIDI MUKULU

⁸ Maweja-Nangila wa bukole buonsu udi netu. Mvidi Mukulu wa Yakobe udi utulama.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Luai bienu, nutangile bienzedi bia Yehowa, bu muakuenzesheye dibutuka dia bungi ha buloba.

Misambu 46:8 ပူးပေါင်းရင်းမြစ်များ

Misambu 146:5

Muntu udi Mvidi Mukulu wa Yakobe wambuluisha, mutekemene kudi Maweja-Nangila Mvidi Mukulu wende, mmuena diakalenga!

Misambu 59:10

Ndi ntekemena kuudi, bualu wewe udi undama. Mvidi Mukulu, Wewe udi nzubu mukole undi nsokomena.

Misambu 66:5

Vuayi numone mudi Mvidi Mukulu muenze. Bidiye muenzele bantu bidi bikemesha.

Ekesode 10:7

Balombodi ba mu bukalenga kukonka mukalenga wa bena Ejipitu ne: — Muntu ewu neanyange ditunga dietu too ne ku diba kayi? Lekela bena Izrayele, baye kutendelela Maweja-Nangila Mvidi Mukulu wabu, bualu ditunga dia Ejipitu didi mua kubutuka!

Ekesode 12:30

Butuku abu mukalenga wa bena Ejipitu, balombodi ba mu bukalenga buende ne bena Ejipitu bakuabu babike ku tulu, kudilabu miadi bikole. Bualu muanabute wa ku nzubu kua muntu yonsu uvua mufue.

Yeshaya 24:1

Maweja-Nangila neanyange buloba, neabushiye tshipela. Udi uvundulula buloba, utangalaja badi basombapu.

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Dibadika 23:23

Majimbu ne mbuku, kabiena biambuluisha bena Izrayele. Bionsu bidi Mvidi Mukulu musue kuenza, bena Izrayele badi babimanye pa diba.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.