Misambu 45:2 - MUKANDA WA MYIDI MUKULU

² Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Mukanda wa Nzambi Dihungila Dikulukulu ne Dihungila Dihia-dihia 2003

² Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Misambu 45:2 ပူးပေါင်းရင်းမြစ်များ

Misambu 21:6

Uvua umuambuluisha, yeye kupeta lumu lunene. Wewe kumuvudijila buneme ne butumbi.

Nsumuinu 22:11

Pikala muntu musue kudia bulunda ne mukalenga, ikale ne muoyi muimpe, amanye kabidi mua kuakula bimpe.

Nsumuinu 5:2

Nenku wewe mulame mibelu yanyi, newakule anu pa biudi mumanye.

Musambu wa Solomo 2:3

Padi munanga wanyi munkatshi mua bansongalume nende, udi bu mutshi muimpe wa bimuma munkatshi mua mitshi ya ditu. Ndi ne disanka dia kuikisha mu dileji diawu, dia kupola bimuma biawu bisheme.

Yeshaya 33:17

Mesu ebe neamone mukalenga, ne lumu luende luonsu. Neamone mudi ditunga dialabale.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 7:46

Basolayi kuandamuna ne: — Katshia muntu kena muanji kuakula bu muntu ewu!

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.