Misambu 45:15 - MUKANDA WA MYIDI MUKULU

¹⁵ Bamane kumuvuadika bilamba bia malenda, bia mekalamekala. Badi bamufila kudi mukalenga. Bansongakaji badi bamushindikija bua kumubanjija.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Badi babafila ne disanka ne musangelu, badi babuela mu mbalasa wa mukelenge.

Misambu 45:15 ပူးပေါင်းရင်းမြစ်များ

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 51:11

Maweja-Nangila neapikule bantu bende. Bantu abu nebapingane mu Yerushalayime. Nebabuelemu, benda bela bibingu bia disanka. Disanka didi kadiyi dijika nedikenkeshe mpala yabu. Musangelu ne diakalenga ne biuwule mu muoyi wabu tente. Ntatu ne makenga nebijike.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yezekiyele 16:10

Meme kukupesha bilamba bizola bimpe, ne bisabata bia tshiseba tshimpe, ne mukaba wa buanda bua ndanda, ne tshinkutu tshienza ne buanda bua miosa ya nyama.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.