Misambu 42:8 - MUKANDA WA MYIDI MUKULU

⁸ Udi ungitshikijila mayi a muenji, mavuala enda avulangana, bipitshila bionsu pambidi panyi! Meme kudiina mu mayi ne kasuki!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Mu munya Yehowa neantumine luse luandi lujalame ku dî diandi, ne butuku musambu undi mmuimbila nengikale nʼau, mutendelelu mene undi utendelela nʼau Nzambi wa muoyo wanyi.

Misambu 42:8 ပူးပေါင်းရင်းမြစ်များ

2 Samuele 22:5

Mavuala a lufu avua ampitshila pa mutu, avua ankuatshisha bowa, bu musulu udi ukeba kumbutala.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Misambu 124:4

Diba adi mayi avua mua kutupuekesha, musulu uvua mua kutujimija.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 149:5

Bantu badi balamata Maweja-Nangila, basanke, batumbishe Mvidi Mukulu! Bele mbila ya disanka nansha butuku!

Misambu 16:7

Ndi ngela Maweja-Nangila tuasakidila, bualu udi undudika. Nansha butuku kondu ka munda kadi kambela.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 32:7

Wewe udi muaba undi mua kusokomena. Udi undama mu dikenga. Neumpandishe, nanku nengele mbila ya disanka.

Misambu 44:4

Bankambua betu kabavua bakuate ditunga adi, ku muele wabu wa mvita, nansha ku bukole bua diboku diabu, kadi amu ku diambuluisha diebe, ne ku bukole buebe. Uvua nabu diba dionsu, bualu uvua mubanange.

Misambu 57:3

Ndi mbikila Mvidi Mukulu, Muena kulu, bualu yeye udi mua kungenzela bionsu.

Misambu 63:6

Wewe udi unsankisha. Ndi bu muntu udi udia, uukuta mu didia dia tshibilu. Nenkutumbishe, nkuela mbila ya disanka.

Misambu 77:6

Ndi mvuluka matuku mapite, ndi ngela meji a bikondu bia kale, ndi ndala ngela meji butuku bujima. Ndi nganyina, nkeba mua kujingulula.

Misambu 88:8

Udi muntekele tshiji tshikole, udi unkengesha ne mavuala.

Yeshaya 30:29

Kadi nuenu bena Yerushalayime, nenuimbe misambu, munudi nuenza bufuku matuku a tshibilu. Nenusanke amu bu bantu badi bela nshiba, benda batangila ku mukuna wa Maweja-Nangila, muaba udi Mvidi Mukulu wa Bukole bua bena Izrayele usomba.

Lewitiki 25:21

Kadi meme Maweja-Nangila ndi ngamba ne: mu tshidimu tshisambombu, nennuvudijile biakudia bia bungi, bikumbane bua bidimu bisatu.

Yona 2:4

Uvua mungele mu mayi, muinshi mua mayi mondoke. Mayi avua mannyungulule, mavuala ampitshila pa mutu misangu ne misangu.

Matayi 8:8

Mulombodi kuamba ne: — Mfumu, tshiena mukumbane bua wewe kubuela mu nzubu muanyi to. Kadi tuma amu diyi, disama dia muena mudimu wanyi nedijike.

Bienzedi 16:25

Munda nkulu, Polu ne Silase bavua batendelela, bimba misambu, batumbisha Mvidi Mukulu. Bena lukanu bakuabu bavua babateleja.

Dielulula 28:8

Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.