Misambu 42:6 - MUKANDA WA MYIDI MUKULU

⁶ Ndi mpita kubungama bua tshinyi? Muoyi wanyi udi upampakana bualu kaayi? Tekemena Mvidi Mukulu, bualu nemmutumbishe tshiakabidi. Yeye ke Mupandishi wanyi, ne Mvidi Mukulu wanyi!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mutshima wanyi udi muitshikile munda muanyi, bua bualu ebu ndi nkuvuluka wewe, Nzambi, mubange ku buloba bua Yadene ne bua mu mikuna ya Hêmona, ne ku mukuna wa Misâ.

Misambu 42:6 ပူးပေါင်းရင်းမြစ်များ

2 Samuele 17:22

Nanku, Davide kujuka lukasa ne bantu bavuaye nabu, kusabuka Yardene. Butshia dinda, bantu bonsu bavua bamane kusabuka, kakuyi muntu mushale nansha umue.

2 Samuele 17:27

Davide mumane kufika ku Makanayime, kupetangana ne Shobi, muana wa Nakashe wa mu Raba, tshimenga tshinene tshia bena Amone. Kumonanganaye kabidi ne Makire, muana wa Amiyele, wa mu tshimenga tshia Lodabare, kabidi ne Barzilayi, wa mu musoku wa Rogelime mu ditunga dia Ngilaade.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 22:1

Musambu wa mu mukanda wa misambu ya Davide, wa mu mukanda wa mulombodi wa bena misambu, wa kuimba ne muadi bu wa “Ngulungu wa tshienda patshiatshia.”

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Misambu 43:5

Ndi mpita kubungama bua tshinyi. Muoyi wanyi udi upampakana bualu kaayi? Tekemena Mvidi Mukulu, nemmutumbishe tshiakabidi! Yeye ke Mupandishi wanyi ne Mvidi Mukulu wanyi!

Misambu 61:2

Mvidi Mukulu wanyi, teleja miadi yanyi, umvua mundi nkusengelela.

Yona 2:7

Mvua mudine mu mayi too ne kasuki, kufika ne ku tshitaku tshia mikuna. Bakavua banginjidila biibi bia nzubu wa lufu. Kadi anu wewe Maweja-Nangila Mvidi Mukulu wanyi, ke uvua mumpatule mu dijimba edi ne muoyi.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Matayi 27:46

Pa diba disatu dia musendamu, Yezu kuela diyi dikole ne: — Eli, Eli, lama sabaktanyi? (mmumue ne: “Mvidi Mukulu wanyi, Mvidi Mukulu wanyi, wakundekela bua tshinyi?”)