Misambu 42:5 - MUKANDA WA MYIDI MUKULU

⁵ Ndi mvuluka malu a kale, muoyi wanyi ungitshikila munda. Tuvua tuenda bantu tshisumbu, tuya mu nzubu wa Mvidi Mukulu bua tshibilu, tutumbisha Mvidi Mukulu, tumuela tunkunduluila.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 42:5 ပူးပေါင်းရင်းမြစ်များ

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Misambu 35:14

Mvua nkengakana bu padi mulunda nansha muanetu usama. Mvua munyingalale bu muntu mu madilu a mamuende mumuledi.

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 38:6

Mputa yanyi idi mibole, inunka bibi, bualu mvua muenze malu a butatakane.

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”

Misambu 43:5

Ndi mpita kubungama bua tshinyi. Muoyi wanyi udi upampakana bualu kaayi? Tekemena Mvidi Mukulu, nemmutumbishe tshiakabidi! Yeye ke Mupandishi wanyi ne Mvidi Mukulu wanyi!

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Misambu 56:11

Ndi ntumbisha Mvidi Mukulu bua bivuaye mulaye. Eyowa, ndi nsamuna Maweja-Nangila bua miaku yende.

Misambu 56:3

Baluishi banyi badi bankeba matuku onsu. Bavule badi bangalamina bua kunkuata.

Misambu 61:2

Mvidi Mukulu wanyi, teleja miadi yanyi, umvua mundi nkusengelela.

Misambu 71:14

Kadi meme matuku onsu ndi nkutekemena amu wewe. Nenkutumbishe misangu ne misangu.

Misambu 77:3

Ndi nkeba Maweja-Nangila pandi mu dikenga, ndi mmuoluela bianza butuku bujima, tshiyi mpungila ndi mbenga bua muntu kansambi.

Yeshaya 30:29

Kadi nuenu bena Yerushalayime, nenuimbe misambu, munudi nuenza bufuku matuku a tshibilu. Nenusanke amu bu bantu badi bela nshiba, benda batangila ku mukuna wa Maweja-Nangila, muaba udi Mvidi Mukulu wa Bukole bua bena Izrayele usomba.

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

Dibadika 6:26

Maweja-Nangila anuakidile bimpe, anupe bupole!”

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 26:38

Nanku kubambilaye ne: — Muoyi wanyi udi ne dibungama dia lufu. Shalayi apa. Kanuladi tulu to. Tuikale batabale bonsu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.