Misambu 41:9 - MUKANDA WA MYIDI MUKULU

⁹ “Wawa ukadi mikolu ku tshiina! Bua kumukaye pa bulalu, amu yeye mufue!”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mulunda wanyi mene unakadi nʼandi ditalala ne unakeyemena, wakadi udia bidia bianyi wakuntua museba.

Misambu 41:9 ပူးပေါင်းရင်းမြစ်များ

2 Samuele 15:12

Pavua Absalome ulambula milambu, kubikidishaye Akitofele, mufidi wa ngenyi wa mukalenga Davide, uvua musombela mu tshimenga tshia Ngilo. Nanku, bantu bavua ku luseke lua Absalome bavua benda basangana. Buntomboji buabu buvua buenda bukole.

Yobe 19:13

Mvidi Mukulu mmutangalaje bana betu kule, nansha badi bammanye, badi bantangila bu muenyi.

Yobe 19:19

Balunda banyi ba pa muoyi badi bammone, bansesuka. Bonsu bamvua mupite kunanga badi bambenga.

Misambu 101:3

Tshiena mua kuteka tshintu tshibi ku mesu kuanyi. Ndi mubenge nsombelu wa bantu babi, kena mua kundamata.

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Obadya 1:7

Bonsu banuvua batue nabu ndondu, mbanubenge. Badi banuipata mu ditunga dienu. Bavua balunda benu, badi banukuate ku bupika. Banuvua nudia nabu ku mesa, badi banuteya. Badi banuamba ne: ‘mBantu batatakane!’

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Matayi 26:23

Yezu kuandamuna ne: — Utuvua bele nende tshianza mu dilongu dimue, ke yeye wampangila.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.