Misambu 41:5 - MUKANDA WA MYIDI MUKULU

⁵ Bu mundi ntekemena nanku, ndi ngambila Maweja-Nangila ne: “Ndi muena tshibawu ku mesu ebe, kadi umfuile luse, umpingajile bukole ne makanda.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Badi nʼanyi lukuna badi bamba mei mabi bua bualu buanyi ne, Yeye neafue diba kai, ne dina diandi nedijimine diba kai?

Misambu 41:5 ပူးပေါင်းရင်းမြစ်များ

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Yobe 20:7

neajimine anu bu mudi bunyawu buende. Bantu bavua bamumanye nebakonke ne: “Udi penyi?”

Misambu 102:8

Ndi ndala tshitabela, ndi bu nyunyi wa tshiende nkaya pa musonga wa nzubu.

Misambu 38:12

Pandi nkengakana nanku, balunda banyi ne bena mutumba badi bannyema, nansha bana betu bakadi batalamukile pa bule.

Misambu 51:3

Mvidi Mukulu wanyi, umfuile luse, ukupule bubi buanyi, bualu udi mulenga mutambe, kabidi ne muoyi mupite buimpe.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Misambu 56:2

Mvidi Mukulu wanyi, umfuile luse, bualu bantu badi bandondakaja. Dituku dionsu badi banduisha, bankengesha.

Misambu 57:2

Mvidi Mukulu wanyi, umfuile luse, ungambuluishe, bualu ndi mutekemene kuudi. Ndi muimane mu mapuapua ebe, too ne muapita tshipupu etshi.

Misambu 67:2

Mvidi Mukulu wetu, utuleje muudi utunanga, utuele lupemba, ututangile ne luse.

Misambu 86:16

tangila kundi, ungambuluishe. Ndi muena mudimu webe, umpeshe bukole buebe, ndi muntu webe, unsungidile.

Misambu 86:3

Maweja-Nangila, ndi nkubikila matuku anyi onsu, ungambuluishe.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.