Misambu 41:2 - MUKANDA WA MYIDI MUKULU

² Muntu udi uvuluka mupele ne muena dikenga mmuena diakalenga! Maweja-Nangila neamuambuluishe diba didi dikenga dimukuata.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa neamulame, neamukube bua yeye ashale ne muoyo. Nebamubale bu muntu udi muvudishibue disanka ha buloba; ne wewe kumufidi mu bianza bia badi nʼandi lukuna bua bamuenzele bu mudibo basue.

Misambu 41:2 ပူးပေါင်းရင်းမြစ်များ

Misambu 27:12

Kumfidi mu bianza bia bena tshikisu, bualu bena dishima badi bamfunda, bakeba kunkuatshisha bowa.

Misambu 33:19

Udi ubasungidila ku lufu, ubalama nansha matuku mene a tshiyole.

Misambu 37:22

Badi Mvidi Mukulu wela lupemba, nebapete ditunga. Badiye utshipa, nebabutuke.

Nsumuinu 11:17

Muena luse udi wenzela muoyi wende bimpe. Kadi muena tshikisu udi udienzela bibi nkayende.

Nsumuinu 14:21

Muntu udi upepeja mukuende udi wenza bibi. Kadi muntu udi wenzela mupele bimpe udi muena diakalenga.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 31:20

Udi wambuluisha bena dikenga, upa bapele ne muoyi wa kalolu.

Yirmeya 39:17

Kadi pafika dituku dia dikenga, tshiakuanyisha bua uye mu bianza bia bantu baudi utshina.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Rute 2:19

Nowemi kumukonka ne: — Uvua muenze mudimu lelu penyi? Uvua mupumbulule bionsu ebi mu budimi bua nganyi? Mvidi Mukulu ele muntu uvua mukuakidile biakane ewu lupemba! Rute kulondela mamuenende bionsu biwabu bamuenzele, wamba ne: — Bintu ebi ndi mubipumbulule mu budimi bua Bowaze.