Misambu 40:6 - MUKANDA WA MYIDI MUKULU

⁶ Maweja-Nangila, Mvidi Mukulu wetu, kakuena udi mukufuane. Bishima biudi mutuenzele mbivule, bilenga biudi musue kutusankisha nabi mbipite bungi. Tshiena mua kubilonda nansha kubibala.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wewe kuena unanga mulambu wa nyama mushiha ne mulambu wa bia kudia; wewe wakujikula matshu anyi. Kuakulomba mulambu wa kuosha ha tshioshelu ne mulambu wa kubuikila nʼau mibi.

Misambu 40:6 ပူးပေါင်းရင်းမြစ်များ

Yobe 33:16

Diba adi udi utulongesha malu, utubela bikole kashidi.

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Misambu 139:17

Mvidi Mukulu wanyi, mbikole bua meme kumanya meji ebe, mmapite bungi!

Misambu 139:18

Mua kuabala mmunyi? Adi mapite lusenga bungi. Nansha meme muabale, tshiena mfika ku dikujingulula.

Misambu 50:8

Tshiena nkudiwila bua milambu yebe nansha, bualu utu uyindambula matuku onsu.

Misambu 51:16

Mvidi Mukulu wanyi, Mupandishi wanyi, ungepule ku lufu. Nemmanyishe bantu ne disanka muudi munsungidile.

Misambu 71:15

Dituku dijima nengambile bantu muudi ukumbaja biuvua mulaye. Nembalondele muudi utusungidila, utuenzela bilenga kabiyi kubala.

Ekesode 21:6

nanku mfumuende nealombe Mvidi Mukulu bua ajadike bualu ebu. Nebimanyike muntu awu ku tshiibi nansha ku tshipanda tshia ku nzubu kuende. Nebamutubule ditshi muaba awu, bua ashale mupika too ne ku lulu luende.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Osheya 6:6

Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Amosa 5:22

nansha nundambula milambu ya kuosha. Milambu ya bia pa madimi enu idi imfikila ku muoyi. Tshiena nansha ntangila nyama, inudi nundambula bu milambu ya bobumue.

Matayi 12:7

Bu nuenu bumvue mene tshidi miaku ya mu Mukanda wa tshijila yamba ne: “Ndi njinga bua nuikale ne luse, tshiena ndomba bua nundambule milambu nansha,” kanuvua mua kudiwula bantu badi kabayi ne bualu.

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.