Misambu 4:2 - MUKANDA WA MYIDI MUKULU

² Mvidi Mukulu, mumbingishi wanyi, pandi nkubikila bua kungambuluisha, ungitabe. Pavua bantu bankengesha, wewe uvua unsungidila. Anyisha, uteleje dikulomba dianyi.

Mukanda wa Nzambi Dihungila Dikulukulu ne Dihungila Dihia-dihia 2003

² Nuenu bana balume ba bantu, nenuandamune butumbi buanyi bua kuluabu bundu musangu bule bishi? Nenusue malu a hatuhu, nenukebe mashimi musangu bule bishi?

Misambu 4:2 ပူးပေါင်းရင်းမြစ်များ

Misambu 106:20

Pa muaba wa Mvidi Mukula uvua butumbi buabu, kupingajabu lupingu lua ngombe udiadia bisosa.

Misambu 14:6

“Nuvua bapangishe bapele tshivuabu batekemene. Kadi Maweja-Nangila ke udi ubalama.”

Misambu 2:1

Bisamba bidi bitomboka bua tshinyi? Bantu badi bela bitungu bia patupu bualu kaayi?

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 31:6

Maweja-Nangila, ndi nteka muoyi wanyi mu bianza biebe. Neumpandishe, bualu wewe Mvidi Mukulu, udi ukumbaja biuvua mulaye.

Misambu 5:6

Kuena musue kumona bena kapeja. Udi ukina bonsu badi benzela bakuabu bibi.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 57:4

Neantumine diambuluisha dia mulu. Neatatakaje udi undondakaja. Mvidi Mukulu udi pabuipi nanyi, bualu udi unnanga, ukumbaja malaya ende.

Misambu 58:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide.

Misambu 58:3

Nansha kakese. Nutu nubingisha muena tshibawu munudi basue. Ke munudi nubueja tshinyangu mu ditunga dijima!

Misambu 63:11

Babatape ku muela wa mvita, bitalu biabu babidie kudi mibuabua!

Misambu 72:2

Alombole bantu bende, kayi ne kansungasunga. Ambuluishe badibu bakengesha kapayi bualu.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Yeshaya 20:5

Bonsu bavua batekemena kudi bena Kushe, batemba bena Ejipitu, nebatekete mu maboku, bafue bundu.”

Yeshaya 45:17

Kadi bena Izrayele mbapete lupandu lua kashidi kudi Maweja-Nangila. Kabena bafue kabidi bundu. Kabena mua kubapepeja kudi muntu nansha umue.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yirmeya 2:11

Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Osheya 4:7

Batuangaji bonsu mbangenzele bibi, kabena batumikila mikenji imvua mubambile. Mbambenge meme Maweja-Nangila, uvua butumbi buabu, bua kutendelela mvidie ya patupu.

Yona 2:8

Nansha pamvua nkeba kufua, mvua amu nkuvuluka, Maweja-Nangila wanyi. Mitendelelu yanyi mmifike kuudi, ku nzubu webe wa tshijila.

Dibadika 14:11

Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

Bienzedi 24:9

Bena Yuda kutua ku tshia Tertuluse, bela mbila ne: muudi muambe amu, mmomu!

1 Korente 1:31

Ke padi Mukanda wa tshijila wamba ne: “Udi ujinga kuditemba, aditembe bua bidi Mvidi Mukulu muenze.”

Efeze 4:25

Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

1 Samuele 12:21

Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.