Misambu 39:6 - MUKANDA WA MYIDI MUKULU

⁶ Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Misambu 39:6 ပူးပေါင်းရင်းမြစ်များ

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Yobe 7:16

Bionsu bia panu mbimane kuntonda. Tshiena musue kupashala. Undekele matuku anyi kaena ne bua nsongu panu.

Yobe 7:7

Eyi Mvidi Mukulu, umanye ne matuku anyi a panu adi amu lupepela. Diakalenga dianyi ndimane kujika kashidi.

Misambu 127:2

Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Misambu 89:48

Umvuluke, matuku anyi a panu adi makese! Badi mua kuamba ne: udi mufuke bantu bua patupu!

Nsumuinu 13:22

Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Nsumuinu 27:24

Bualu biuma kabiena bishala kashidi. Udi mumanye ne: nansha tshifulu tshia bumfumu katshiena tshisambuluka mu diku dimue kashidi to.

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 11:10

Umbusha mu muoyi webe malu onsu adi akubungamija, kabidi mu mubidi webe bionsu bidi bikusankisha. Bualu bunsonga ne bukole bidi bijimina lukasa.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Muambi 12:8

Muambi udi wamba ne: Malu onsu adi tshianana, adi patupu, kaayi atupetesha tshintu.

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 2:8

Meme kunguja tshiamu tshitoke tshia mushinga mukole ne mpawungi, ne bintu bia mushinga mukole bivua bifumine kudi bakalenga ne kudi balombodi ba maloba, bavua ku bumfumu buanyi. Mvua ne bena misambu balume ne bakaji, bavua bangimbila bua kunsankisha. Mvua musele bakaji bavule, bungi budi muntu mua kujinga.

Muambi 5:14

Amu muvuabu bamulele butaka kudi mamuende, ke mudiye ushiya buloba kayi ne kantu. Nansha yeye mukuate mudimu bikole, kena upeta tshintu, kena mua kuya ne kantu.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Luke 12:26

Nanku panuikala kanuyi mua kukumbaja kalu kakese ka mushindu ewu, munudi nutata bua malu makuabu mbishi?

Luke 12:29

Kanupampakanyi. Kanutatshi amu bua biakudia, nansha bua biakunua.

1 Korente 7:31

badi bakuata mudimu ne bia panu, basombe bu badi kabayi bakuata nabi mudimu. Bualu bia panu kabiena binenga kabidi mutantshi mule to.

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

Yakobe 5:3

Biamu bienu bia mpawungi, ne biamu bienu bitoke bia mushinga mukole mbikuate dimoma. Dimoma edi nedinupishe, dioshe mubidi wenu bu kapia. Tukadi matuku a nshikidilu. Nutshidi amu nukungija biuma!

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.

1 Petro 5:7

Muomekelayi ntatu yenu yonsu, bualu Yeye udi unulama.