Misambu 37:6 - MUKANDA WA MYIDI MUKULU

⁶ Neakulumbuluile, akubingishe. Neutoke bu munya wa mu dinda, neukenke bu diba munda munya.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye neumueneshe buakane buebe bu mudi munya umueneka, neamueneshe dibingishibua diebe bu diba dia munda munya.

Misambu 37:6 ပူးပေါင်းရင်းမြစ်များ

Yobe 11:17

Newende ne disanka dikole dipite dia diba didi dikenka munda munya. Miidima neyandamuke yenze munya wa dinda.

Misambu 31:20

Kadi Maweja-Nangila, bantu badi bakuitaba, udi ubenzela bimpe bitambe. Bantu bonsu badi bamona bilenga biudi upesha badi banyemena kuudi.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yeshaya 58:10

panudi nuabanyangana tshiakudia tshienu ne muntu udi ne nzala, panudi nudisha muntu udi ne dikenga, nenku butoke nebuipate miidima muaba unudi nusombela. Pa mutu pa kuikala mu miidima, nenusombe mu butoke bu munda munya.

Yeshaya 58:8

Diba adi, nenusanke, nukenke, mudi diba dikenka mu dinda. Mputa yenu neyume lukasa. Nengende nenu. Nennulame kumpala ne kunyima. Nennupandishe.

Yirmeya 51:10

Maweja-Nangila mmutubingishe. Tuyayi ku Siyone, tumanyishe badimu malu onsu avua Maweja-Nangila mutuenzele.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Matayi 13:43

Kadi bonsu badi bitaba Mvidi Mukulu, nebakenke bu diba mu Bukalenga bua Tatuabu. Badi ne matshi a kumvua nawu, basangana kumvua anyiee? Bumvuee!

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.