Misambu 37:3 - MUKANDA WA MYIDI MUKULU

³ Tekemena kudi Maweja-Nangila, enza bimpe, neushale mu ditunga, usombemu talalaa.

Mukanda wa Nzambi Dihungila Dikulukulu ne Dihungila Dihia-dihia 2003

³ Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Misambu 37:3 ပူးပေါင်းရင်းမြစ်များ

Genese 26:2

Maweja-Nangila kumuenekela Izake, umukandika ne: — Dikasa diebe kadidiatshi mu Ejipitu to. Kadi usombe anu mu ditunga edi dindi nkuleja.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

1 Bakalenga 19:6

Muambi Eliya kumona diampa pabuipi nende, dimana kuosha pa mabue. Kumonaye kabidi ne mulondu wa mayi. Mumane kujikija kudia ne kunua, kulalaye tulu tshiakabidi.

Misambu 26:1

Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

Misambu 33:19

Udi ubasungidila ku lufu, ubalama nansha matuku mene a tshiyole.

Misambu 4:5

Mutshinayi! Kanuenji kabidi malu mabi. Nudikonkonone panudi balale. Nushale talalaa.

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

Luke 22:35

Ke Yezu kukonka balongi bende ne: — Tshikondu tshimvua munutume kanuyi ne tshibuta tshia makuta, nansha tshia luendu, kanuyi ne bisabata, nuvua bakengele tshintu anyi? Balongi bende kumuandamuna ne: — Katutua bakengele kantu nansha kamue.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”