Misambu 37:18 - MUKANDA WA MYIDI MUKULU

¹⁸ Maweja-Nangila udi ukuba diba dionsu badi benza tshidiye musue. Ditunga didibu bapeta kudiye, nebashale nadi kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehowa udi mumanye matuku a bantu badi ne mitshima miakane, buhianyi buabo nebushale tshiendelele.

Misambu 37:18 ပူးပေါင်းရင်းမြစ်များ

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 21:4

Udi mumuele lupemba, mumuase nsala wa lumu.

Misambu 31:15

Kadi meme ndi mueyemine amu kuudi wewe, Maweja-Nangila, ngamba ne: “Wewe ke Mvidi Mukulu wanyi!”

Misambu 31:7

Ndi mbenga badi batendelela mvidie ya dishima, ndi nkutekemena amu wewe, Maweja-Nangila.

Misambu 37:13

Kadi Maweja-Nangila udi useka muntu awu, bualu mmumanye ne: dituku dia kumunyoka nedifike!

Misambu 49:5

Mvua mualonge kudi bena meji. Mpindiewu ndi nnumvuijawu pa kuimba mu lunzenze.

Misambu 73:24

Udi undombola mudi meji ebe, ku ndekelu neungakidile mu butumbi buebe.

Nsumuinu 2:21

Bualu bantu bakane ne ba diyi dimue, nebase mu ditunga edi, nebashalemu kashidi.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Matayi 6:32

Anu bantu badi kabayi bamanye Mvidi Mukulu bimpe, ke badi bakeba amu kukeba bionsu abi nanku. Kadi Tatu wenu udi mu diulu mmumanye ne: nudi dijinga ne bintu bionsu abi.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Dielulula 33:25

Tshiibi tshia mu tshimenga tshia bena Ashere, nebatshikange ne milonda ya tshiamu tshikunze. Bena Ashere badi basombamu bimpe, ne bukolematuku onsu atshidibu ne muoyi panu.”

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

1 Yone 2:25

Tshivua Kristu mene mulaye bua kutupa, ke muoyi wa kashidi.