Misambu 36:4 - MUKANDA WA MYIDI MUKULU

⁴ Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Misambu 36:4 ပူးပေါင်းရင်းမြစ်များ

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Estere 6:4

Mukalenga kukonka kabidi ne: — Udi mu lupangu lua bukalenga emu nnganyi? Diba adi Amane utshivua ubuelelaku mu lupangu. Uvua mufike bua kulomba mukalenga, bua kuovuabu Mordekayi ku tshiowelu tshimulongoluela.

Yobe 15:16

Kadi muntu udi muena buenzayi, matuku onsu udi wenza malu mabi, anu bu mudiye unua mayi ku dituku ku dituku.

Misambu 38:12

Pandi nkengakana nanku, balunda banyi ne bena mutumba badi bannyema, nansha bana betu bakadi batalamukile pa bule.

Misambu 52:3

Wewe muena tshinyangu, udi utatshisha badi balamate Mvidi Mukulu, udi uditambisha bua bubi buebe bua tshinyi?

Misambu 97:10

Nuenu badi banange Maweja-Nangila, nukine malu mabi. Maweja-Nangila udi ulama mioyi ya badi bamulamata, udi ubapandisha kudi bantu babi.

Nsumuinu 24:2

Badi bajinga amu kuenza malu ne tshikisu. Badi bayukila amu bua malu mabi adibu bakeba kuenza.

Nsumuinu 24:23

Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Nsumuinu 4:16

Bantu babi kabena balala kabayi banji kuenza bibi. Kabena bamona tulu kuisu, padibu kabayi banji kulenduisha bantu bakuabu.

Yeshaya 65:2

Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Yirmeya 8:6

Meme ndi muteleje bionsu bidibu bamba, kabena bamba malu mimpe to. Kakuena muntu udi unyingalala bua bubi buende, nansha udikonka ne: “Tshindi muenze ntshinyi?” Muntu yonsu udi wenda mu njila udiye musue, bu mudi nyama wa kabalu mumane kufika munda utomboka mu mvita.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Matayi 27:1

Patshiatshia, bamfumu bonsu ba batuangaji, ne bakulu ba bena Yuda, kupunga diyi dia kushipesha Yezu.

Bienzedi 23:12

Butshia dinda, bamue bena Yuda kuya kuela tshitungu, baditshipa, bamba ne: “Katuena tudia, katuena tunua, amu tuetu bashipe Polu!”

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.

1 Samuele 19:11

Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.