Misambu 36:1 - MUKANDA WA MYIDI MUKULU

¹ Musambu wa mu mukanda wamisambu ya muntu wa Mvidi Mukulu Davide, wa mu mukanda wa mulombodi wa misambu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ditomboka diandi didi diambila muntu mubi dî munda mua mutshima wandi; kakuena ditshina dia Nzambi ku mesu kuandi.

Misambu 36:1 ပူးပေါင်းရင်းမြစ်များ

Genese 20:11

Abrahame kuandamuna ne: — Mvua muele meji ne: bantu ba kuneku kabena batshina Mvidi Mukulu. Nanku nebanshipe bua kuangata mukajanyi.

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Misambu 143:12

Wewe muena bulenga buonsu, upuwishe baluishi banyi, ubutule bena lukuna banyi bonsu, bualu ndi muena mudimu webe.

Misambu 18:1

Musambu wa mu mukanda wa misambu ya Davide, wa mu mukanda wa mulombodi wa bena misambu. Davide muntu wa Mvidi Mukulu uvua wambila Maweja-Nangila miaku eyi pavuaye mumane kumupatula mu bianza bia baluishi bende, nangananga bia Shawule.

Misambu 90:1

Moshe, muntu uvua Mvidi Mukulu mutume, udi utendelela Mvidi Mukulu. Maweja-Nangila, mu bikondu bionsu, wewe ke uvua tshisokomenu tshietu.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 20:11

Nansha muana, ku bidiye wenza, ukadi uleja muoyi udiye nawu. Mudimu udiye ukuata neuleje mudiye muakane, wa muoyi mulenga.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Rome 3:18

Badi basomba, kabayi batshina Mvidi Mukulu.”

Dielulula 34:5

Moshe, muntu wa Maweja-Nangila, kufuila mu ditunga dia Mowabe, anu bu muvua Maweja-Nangila mumane kuamba.

2 Timote 2:24

Kadi muntu udi wenzela Mfumu mudimu, kena ne bua kutandangana to. Udi ne bua kusankidila muntu yonsu. Amanye mua kulongesha bimpe. Ikale kabidi ne lutuulu.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

1 Samuele 18:22

Shawule kuambila balombodi ba mu bukalenga buende ne: — Nuyukile ne Davide mu musokoku. Numuambile ne: Mukalenga Shawule udi ukuanyisha bikole. Tuetu balombodi ba mu bukalenga buende tudi bakunange bikole. Nanku, itabe mpindiewu bua wikale muku wa mukalenga Shawule.