Misambu 33:2 - MUKANDA WA MYIDI MUKULU

² Tumbishayi Maweja-Nangila ne lunzenze, musamunayi ne tshisanji tshia nshinga dikumi!

Mukanda wa Nzambi Dihungila Dikulukulu ne Dihungila Dihia-dihia 2003

² Nusakidile Yehowa ne tshisanji, numuimbile misambu ya kumutumbisha nʼai ne lunzenze ludi ne nshinga dikumi.

Misambu 33:2 ပူးပေါင်းရင်းမြစ်များ

2 Samuele 6:5

Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

1 Kulondolola 15:16

Davide kuambila balombodi ba bena Levi bua basungule mu meku abu, bena misambu, bikale ne bisanji, nzenze ne ndibu, badi mua kuimba misambu ne diyi dikole dia disanka.

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Kulondolola 25:3

Bana ba Yedutune: ke Ngedaliya, Seri, Yeshaya, Shimeyi, Ashabiya ne Matitiya. Tatuabu ke uvua ubalombola bonsu basambombu. Uvua ubamanyisha malu a Mvidi Mukulu, wimba misambu ne lunzenze, utumbisha Maweja-Nangila, umusamuna kabidi.

1 Kulondolola 25:6

Bantu bonsu aba bavua bimba misambu mu nzubu wa Maweja-Nangila ne bisanji biabu: ndibu, nkombe ne nzenze. Bavua baludika bisumbu ebi kudi batatuabu. Bavua benza mudimu wabu mu nzubu wa Mvidi Mukulu, babalombola kudi Ashafe, Yedutune ne Emane, bu muvua mukalenga mubafundile.

Misambu 144:9

Mvidi Mukulu wanyi, ndi musue kukuimbila musambu mupiamupia, ndi nkusamuna ne lunzenze lua nshinga dikumi:

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 71:22

Mvidi Mukulu wanyi, nenkuimbile misambu ne lunzenze. Nenkutumbishe bualu udi muena diyi dimue. Mvidi Mukulu wa tshijila wa Izrayele, nenkusamune ne lunkombe.

Misambu 92:3

kumanyisha bantu malu ebe mimpe mu dinda, ne kubamanyisha bulelela buebe butuku,

Misambu 92:4

kubamanyisha ne lunzenze ne lunkombe ne biombelu bionsu!

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Didimanyisha 14:2

Meme kumvua diyi difumina mu diulu, dikungula bu bibila binene bia mayi, bu dikubakuba dikole. Kadi diyi adi divua diumvuika kabidi bu miadi ya bisanji bia lunzenze.

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.