Misambu 32:8 - MUKANDA WA MYIDI MUKULU

⁸ Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenkuyishe lungenyi, nenkuleshe nshila udi ne bua kuendela, nenkuhe meji hatshidi disu dianyi kudi.

Misambu 32:8 ပူးပေါင်းရင်းမြစ်များ

Genese 24:48

Meme kutua binu panshi bua kuela Maweja-Nangila, Mvidi Mukulu wa mfumuanyi Abrahame, tuasakidila. Bualu uvua mungendeshe diakalenga, tshiyi mupete njiwu. Mmumfikishe ne mu diku dia mfumuanyi. Nanku ndi mua kuya ne nsongakaji ewu kudi muana wa mfumuanyi.

2 Samuele 22:33

Yeye ke mulami wanyi wa bukole, Mpanda njila wanyi.

1 Bakalenga 8:36

wewe Maweja-Nangila, mu diulu, wikale muteleje. Ubajimijile mibi yabu, bualu bena Izrayele mbantu bebe, kabidi mbena mudimu bebe. Ubalongeshe mua kukutumikila bimpe. Pashishe, ulokeshe mvula pa buloba buebe ebu, bualu uvua mumane kubupesha bena Izrayele.

Misambu 143:8

Ummanyishe bulenga buebe ne dinda dionsu, bualu ndi mutekemene kuudi; ummanyishe njila wa meme kulonda, bualu ndi mutume muoyi wanyi kuudi.

Misambu 25:12

Maweja-Nangila nealeje muntu udi umunemeka, njila udiye ne bua kusungula.

Misambu 33:18

Kadi Maweja-Nangila udi ulama bantu bende, ukuba badi batekemena bulenga buende.

Misambu 34:11

Baneme kabena pa kusokoma, bua tshiyole ne bua nzala. Kadi badi batekemena Maweja-Nangila, nebapete bionsu bidibu bakengela.

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Dibadika 9:22

Pavua divuba adi dishale muaba wa tshijila matuku abidi, ngondu mujima, nansha matuku mapite bungi, bena Izrayele bavua anu basombe, bindile bua divuba dibande.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.