Misambu 32:4 - MUKANDA WA MYIDI MUKULU

⁴ Bualu dituku dijima, tshianza tshiebe wewe, Maweja-Nangila, tshivua tshinkengesha, tshindamina panshi. Bu mudi mutshi wa matuku a minanga, tshitshivua ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua munya ne butuku tshianza tshiebe tshiakanemena bujitu hamʼbidi hanyi; tshitelele tshianyi tshiakulua bu munanga wa mushihu.

Misambu 32:4 ပူးပေါင်းရင်းမြစ်များ

Yobe 16:21

Akia, udi ungambuluisha akose nsambu yanyi, idi pankatshi panyi ne Mvidi Mukulu, bu mudibu bakosa nsambu pankatshi pa muntu ne mulunda wende.

Yobe 30:30

Dikoba dianyi ndifike fitutuu. Mifuba yanyi idi ipia ne luya lukole.

Yobe 33:7

Kuzakadi kumpala kuanyi nansha. Kuedi meji ne: ndi musue kukuzaza to.

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Muadi 4:8

Mpindiewu bakadi bafuke fitutuu bu makala. Kabatshiena mua kubamanya padibu bapita mu njila. Badi banyane bikole, buume bu mitshi.

Muadi 5:10

Bua nzala mikole idi itusuma, dikoba dietu didi dituosha bu dia bantu badi mu tshikutu tshia kapia.

Rute 1:13

nuenu nudi mua kuindila too ne pakolabu anyi? Bana banyi, kanuena mua kubenga bua kunuselabu kudi balume bakuabu. Maweja-Nangila mmupite kunkengesha meme. Tshiena musue bua dikenga dianyi adi dinukuate nuenu penu to.

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 6:9

Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.