Misambu 30:12 - MUKANDA WA MYIDI MUKULU

¹² Uvua wandamuna kanyinganyinga kanyi, kenza tshianga tshia disanka. Uvua mumvule tshilamba tshia madilu, mumvuadike tshia tshibilu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bua muoyo wanyi ukuimbile misambu ya kukutumbisha nʼai, kauhuwu. Yehowa Nzambi wanyi, nenkusakidile tshiendelele.

Misambu 30:12 ပူးပေါင်းရင်းမြစ်များ

Genese 49:6

Tshiena musue kubuela mu bifufu bidibu bela. Tshiena musue kubuelakana nabu to. Bualu bavua bashipe bantu bua tshiji. Bavua bakose bibelu bia ngombe milume bua kudisankisha patupu.

Estere 8:16

Bena Yuda bavua ne diakalenga, basanka bua pavuabu batshimuna baluishi babu.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Misambu 13:6

Meme ndi mukutekemene bualu udi munnange, ndi nsanka, bualu neungambuluishe. Maweja-Nangila, ndi musue kukuimbila, kukuela tuasakidila bua bilenga bionsu biudi mungenzele.

Misambu 145:2

Nenkuele tuasakidila matuku onsu, nkutumbishe kashidi.

Misambu 16:9

Ke pandi nsanka, nsanguluka, nsomba talalaa, tshiyi ntshina.

Misambu 44:8

Kadi Wewe ke udi utusungidila ku baluishi betu, ufuisha badi batukina bundu.

Misambu 57:8

Mvidi Mukulu wanyi, ndi muele meji a bungi munda muanyi, Ke pandi musue kukuimbila misambu bua kukusamuna.

Misambu 71:14

Kadi meme matuku onsu ndi nkutekemena amu wewe. Nenkutumbishe misangu ne misangu.

Misambu 71:23

Nenkuimbile misambu, nkuela tunkunduluila, bualu uvua mumpikule.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Luke 19:40

Yezu kuandamuna ne: — Ndi nnujadikila ne: nansha bobu bapuwe, mabue neele mbila!

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.

Didimanyisha 7:12

bamba ne: “Amene! Lumu, butumbi, meji, diela tuasakidila, kanemu, dikanda, ne bukole, bikale kudi Mvidi Mukulu wetu kashidi ne kashidi! Amene.”