Misambu 29:3 - MUKANDA WA MYIDI MUKULU

³ Mvidi Mukulu wa lumu udi ukungula. Diyi dia Maweja-Nangila didi diumvuika pa mayi. Maweja-Nangila udi uleja pa mayi manene, mudiye ne bumfumu.

Mukanda wa Nzambi Dihungila Dikulukulu ne Dihungila Dihia-dihia 2003

³ Di dia Yehowa didi ha mai; Nzambi wa butumbi udi ukungusha mikungulu ya nvula, Yehowa mene udi uyikungusha ha mutu ha mai mangi.

Misambu 29:3 ပူးပေါင်းရင်းမြစ်များ

Yobe 36:33

Mukungulu wa mvula udi utumanyisha ne mvula udiku. Nansha nyama idi imanya kabidi ne mvula ukadi pabuipi.

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Misambu 104:3

Udi muase nzubu webe wa mulu pa mayi, udi ubanda pa mavuba bu pa ditempu diebe, udi uya ne lupepele bu mapuapua.

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Ekesode 9:33

Moshe kumuka kudi mukalenga wa bena Ejipitu, kupatuka mu musoku. Kuelaye bianza mulu kudi Maweja-Nangila. Mvula kukamuka, makubakuba ne mabue a mvula kujika.

Yowanane 12:29

Bantu bavule bavua muaba awu bumvua diyi adi, kuambabu ne: — Ndikubakuba dia mvula! Bakuabu bavua bamba ne: — Mutumibue wa Mvidi Mukulu uvua uyukila nende!

Bienzedi 7:2

Ke Stefane kuandamuna ne: — Batatu, bana betu, ntelejayi. Mvidi Mukulu wa butumbi kumuenekela nkambua wetu Abrahame, patshivuaye mu Mezopotamiya, kayi muanji kuya mu Arane.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 16:18

Ke mikenya, mitoyi, makubakuba, ne tshikumina tshikole kuenzekabi. Tshikumina tshikole tshia nanku ki ntshianji kuenzeka, katshia bafuka bantu! Buloba kuzakala bikole bipite.

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

Didimanyisha 4:5

Mikenya, bibingu, ne makubakuba, bivua bipatuka ku nkuasa awu wa butumbi. Bimunyi muanda mutekete bia kapia bivua bitema kumpala kua nkuasa: ke mieyelu muanda mutekete ya Mvidi Mukulu.

Didimanyisha 8:5

Pashishe mutumibue kuangata mbabula, kuelamu kapia ka ku tshilambuilu, kuwuja. Pashishe kuitshikijaye kapia pa buloba. Ke makubakuba kuakulawu, mikenya kupenya, tshikumina kuenzeka pa buloba.

1 Samuele 7:10

Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.