Misambu 28:4 - MUKANDA WA MYIDI MUKULU

⁴ Ubanyoke bilondeshile malu mabi avuabu benze, ubapingajile bubi buvuabu benzele bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ubafute bu mudi mudimu wabo, ne bu mudi bubi bua bienzedi biabo, ubafute bu mudi mudimu wa bianza biabo; ufile bukenji kudibo budibo ne bua kuangata.

Misambu 28:4 ပူးပေါင်းရင်းမြစ်များ

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

Ezela 9:13

Eyi! Mvidi Mukulu wetu, makenga onsu aa adi atukuata bua malu mabi etu, ne bua bilema bietu. Kadi kuena mutunyoke bilondeshile muvua bilema bietu. Uvua musue bua bikale ne muoyi. Ke patudi bafike munemu.

Misambu 103:10

Kena utupesha dinyoka didi diakanangane ne mibi yetu to, kena utupesha difutu didi dikumbanangane ne malu mabi etu nansha.

Misambu 21:10

Pawamueneka ne tshiji, neuboshe mu tshikutu tshia kapia. — Eyowa, Maweja-Nangila ababutule, kapia kaboshe! —

Misambu 5:10

Katuena mua kuitaba bidi baluishi banyi bamba. Badi bela meji amu bua kubutula bantu. Miaku yabu idi itukebela lufu. Badi bakula bua kudinga bantu.

Misambu 62:12

Misangu mivule nkadi mumvue diyi dia Mvidi Mukulu, diamba ne: “Bukole buonsu budi amu kundi.”

Muadi 3:64

Maweja-Nangila, wewe neubenzele mudibu bangenzele meme.

Yezekiyele 38:10

“Meme Maweja-Nangila Mvidi Mukulu, ndi ngamba ne: Padi tshikondu atshi tshikumbana, neutuadije kuela meji mabi.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

Didimanyisha 18:6

Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.

Didimanyisha 22:12

Yezu kuamba ne: “Teleja! Nkadi mu njila! Nennutuadile mafutu enu. Nemfute muntu yonsu bilondeshile bivuaye muenze.