Misambu 28:2 - MUKANDA WA MYIDI MUKULU

² Unteleje pandi nkusengelela, nkulomba bua ungambuluishe, pandi ngolola bianza ku muaba wa tshijila menemene uudi usombe.

Mukanda wa Nzambi Dihungila Dikulukulu ne Dihungila Dihia-dihia 2003

² Unvua dî dia kutendekena kuanyi, hanadila kûdi, longolola bianza bianyi ku muaba webe mutambe wa tshijila.

Misambu 28:2 ပူးပေါင်းရင်းမြစ်များ

1 Bakalenga 6:19

Kulongololabu tshibambalu tshivua ku ndekelu, bua kutekamu mushete wa ndondu wa Maweja-Nangila. Tshibambalu atshi tshiena tshipite bikuabu bia mu nzubu wa Mvidi Mukulu.

1 Bakalenga 6:5

Kuasabu nzubu mikuabu isatu mitentakaja, milamakaja ku bimana bia pa mbelu bia ku tshibambalu tshinene, ne bia ku tshibambalu tshia ndekelu.

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

2 Kulondolola 6:13

Shelomu uvua muenzeje tshitaku tshia tshiamu tshikunze tshivuabu bateke munkatshi mua lubanza lua nzubu wa Mvidi Mukulu. Tshitaku atshi tshivua ne metre abidi ne tshitupa mu bule ne mu butshiama, metre umue ne tshitupa mu butumbuke. Shelomu kubandapu, kutua binu, muaba uvua bena Izrayele bonsu mua kumumona. Kuelaye bianza mulu, utendelela Maweja-Nangila,

Misambu 125:5

Kadi bantu badi balonda njila mikonyangale, kabidi ne badi benzela bakuabu bibi, Maweja-Nangila ubabutule! Izrayele asombe talalaa!

Misambu 130:2

Teleja lubila luanyi, pandi nkutendakena.

Misambu 134:2

Ololayi bianza bienu ku muaba wa tshijila, nuele Maweja-Nangila tuasakidila.

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 140:6

Bena ditambisha badi banteya, badi bangela masoka ne makondu, bantekela mateyi mu njila bua kunkuata.

Misambu 141:1

Musambu wa mu mukanda wa misambu ya Davide. Maweja-Nangila, ndi nkubikila, fika lukasa ungambuluishe, umvua lubila lundi nkuela.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Misambu 143:6

Ndi ngolola bianza kuudi, ndiumvua ku mesu ebe ne nyota bu buloba buume bukeba mayi.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Misambu 63:4

Dinanga diudi munnange nadi, ndipite muoyi ku mushinga. Ke pandi nkutumbisha,

Muadi 2:19

Kupuwi to! Asa amu muadi ku diba ne ku diba, dila butuku bujima. Ambila Maweja-Nangila bionsu bidi munda muebe. Umuoluele bianza, umutendekene, bua bana bebe, badi benda bafua ne nzala ku mielelu yonsu ya njila, bapete muoyi.

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Danyele 6:11

Pakamanya Daniyele ne: Mukalenga wa bakalenga mmufunde dina diende pa mukanda uvua ne mukenji awu, kubuelaye mu nzubu muende. Kubandaye ku nzubu wa kulu, kunzulula madidishi awa matangile ku Yerushalayime. Uvua utua binu panshi, utendelela, utumbisha Mvidi Mukulu wende misangu isatu ku dituku, muvuaye wenza pa tshibidilu.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.