Misambu 27:9 - MUKANDA WA MYIDI MUKULU

⁹ Kunsokomi, kungipatshi ne tshiji. Wewe ke udi mungambuluishe misangu yonsu. Nanku lelu Wewe Mvidi Mukulu, mumpandishi, kumbengi, kundekedi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kusokoki mpala webe kundi nansha. Kumushi muntu webe ku mpala kuebe mu tshiji, wewe wakadi mukuatshishi wanyi. Kungihatshi, kundekedi, wewe Nzambi wa luhandu luanyi!

Misambu 27:9 ပူးပေါင်းရင်းမြစ်များ

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 102:2

Maweja-Nangila, teleja mundi nkutendelela, anyisha lubila luanyi.

Misambu 102:3

Kungedi nyima pandi mu dikenga. Unteleje ne ntema, dituku dindi nkubikila, ungitabe lukasa.

Misambu 119:121

Ndi muenze muuvua muambe, kundekedi mu bianza bia badi bankengesha.

Misambu 13:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Misambu 143:7

Maweja-Nangila, ungitabe lukasa, ndi mushikile. Kundekedi, tshianana nemfue.

Misambu 24:5

Maweja-Nangila neabele lupemba. Mvidi Mukulu mupandishi wabu, neababingishe.

Misambu 44:24

Maweja-Nangila, tabuluka! Udi utulengulula bua tshinyi? Bika ku tulu, kutulekedi kashidi to!

Misambu 51:11

Kutangidi bilema bianyi, kupula bubi buanyi buonsu.

Misambu 69:17

Maweja-Nangila, ungitabe, bualu udi munnange. Amu wewe udi mua kungambuluisha. Bu muudi ne luse luvule, untangile.

Misambu 69:18

Ndi muntu webe, kunsokomi. Ndi mu dikenga dinene, ungitabe lukasa.

Misambu 88:1

Musambu wa mu mukanda wa misambu ya bena Kora. Wa mu mukanda wa mulombodi wa bena misambu. Wa kuimba mu dibungama. Kasala ka musambu kela kudi Emane, muena muabu.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 59:2

Nansha kakese! Kadi bubi buenu ke budi buasa tshimana pankatshi penu ne Mvidi Mukulu wenu. Bualu bua bilema bienu, Maweja-Nangila ukadi utangila kua tshianana, kayi musue kunuteleja.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”