Misambu 27:5 - MUKANDA WA MYIDI MUKULU

⁵ Nanku diba dia dikenga, neambueje mu nzubu muende, neanteke kaba kakole pa mukuna udiye usomba.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua halua dituku dia diakabi, yeye neansokoke mu tshisokomenu tshiandi; yeye neansokoke munda mua nsubu wandi wa ntenta, neambandishe, neanshikike ha mutu ha dibue.

Misambu 27:5 ပူးပေါင်းရင်းမြစ်များ

2 Kulondolola 22:12

Yowashe ne bavua bamulame, bavua bashale bidimu bisambombu mu nzubu wa Mvidi Mukulu. Tshikondu atshi, Atalya uvua mukalenga mu ditunga.

Misambu 10:1

Maweja-Nangila, udi muimanyine kule bua tshinyi? Udi musokome patudi mu dikenga bualu kaayi?

Misambu 119:114

Wewe ke ngabu wanyi udi undama; ndi mutekemene diyi diwamba.

Misambu 138:7

Pandi meme nsomba mu dikenga, neundame ne muoyi nansha mudi baluishi banyi bamfikila munda, neolole tshianza tshiebe tshia bukole tshimpandishe.

Misambu 17:8

Bu mudi muntu ulama lumonyi lua disu, undame, unsokoke mu mapuapua ebe.

Misambu 18:33

Udi undongoluela njila, umpesha bukole bua kuluangana.

Misambu 31:20

Kadi Maweja-Nangila, bantu badi bakuitaba, udi ubenzela bimpe bitambe. Bantu bonsu badi bamona bilenga biudi upesha badi banyemena kuudi.

Misambu 31:21

Udi ubalama pabuipi nebe, ubepula ku mateyi a bantu babi. Udi ubasokoka mu nzubu muebe mutantshi ne bena buenzayi.

Misambu 40:2

Mvua mutekemene bikole kudi Maweja-Nangila. Kuinamaye kundi, kumvuaye lubila luanyi.

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Misambu 61:2

Mvidi Mukulu wanyi, teleja miadi yanyi, umvua mundi nkusengelela.

Misambu 61:3

Kunu ku ba bende, padi mioyi minshikile munda, ndi nkutendelela bua ungambuluishe, Umfikishe ku lubuebue lundi mua kusokomena, lundi tshiyi mua kudibandila.

Misambu 77:2

Ndi ndidila Mvidi Mukulu ne diyi dikole bua dikenga dianyi. Ndi ndidila Mvidi Mukulu bua anteleje.

Misambu 83:3

Mona baluishi bebe badi benza disalu, badi bakukina badi bakulundukila, bela mitu mulu.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:20

Bena tshisamba tshianyi, buelayi munda mua nzubu yenu, nukange biibi. Nupaye mabaya ku bitupa bionsu bibidi bia tshiibi. Anjayi kusokoma katupa kipi, too ne pajika tshiji tshia Maweja-Nangila.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.