Misambu 27:14 - MUKANDA WA MYIDI MUKULU

¹⁴ — Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Misambu 27:14 ပူးပေါင်းရင်းမြစ်များ

Genese 49:18

Maweja-Nangila, ndi mutekemene lupandu kuudi.

Misambu 130:5

Ndi mutekemene kudi Maweja-Nangila, ne muoyi wanyi mujima, muindile diandamuna diende.

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.

Misambu 25:21

Ungambuluishe, bua nkumbaje tshiudi musue, tshiyi ngenzela bantu bibi.

Misambu 25:3

Badi batekemena kuudi, kabakunyingalala. Bundu mbua badi bakubenga! Nebashale bianza bitupu!

Misambu 31:24

Nuenu bonsu bantu ba Maweja-Nangila, munangayi, bualu udi ulama badi bamuitaba. Kadi udi unyoka bena ditambisha bilondeshile bubi buvuabu benze.

Misambu 33:20

Tudi tutekemena kudi Maweja-Nangila, bualu udi utuambuluisha, utulama bu ngabu.

Misambu 37:34

Tekemena kudi Maweja-Nangila, ulame lutulu, ukumbaje mikenji yende. Neakuzangike, upete ditunga. Neumone mudiye ubutula bantu babi.

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 40:1

Musambu wa mu mukanda wa mulombodi wa bena misambu. Wa mu mukanda wa misambu ya Davide.

Misambu 62:1

Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

Misambu 62:5

Nudi amu ne meji mabi a kunyenga muanzu wanyi. Ke panudi nunshiminyina malu. Nudi betu ku mesu, mundamunda batuamba munga.

Nsumuinu 20:22

Kupingaji bibi pa bibi bidibu bakuenzela. Utekemene kudi Maweja-Nangila, yeye nkayende neakuambuluishe.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Luke 2:25

Diba adi mu Yerushalayime muvua muntu, dina diende Shimeyone. Uvua unemeka Mvidi Mukulu, ukumbaja bivuaye musue. Uvua muindile muntu uvua ne bua kusungidila bena Izrayele. Mueyelu wa Tshijila kabidi uvua nende.

Luke 2:38

Kufikaye diba adi, wela Mvidi Mukulu tuasakidila. Uvua uyukidilangana, pa malu adi atangila muana, ne bantu bonsu bavua bindile dituku divua Mvidi Mukulu mua kusungila Yerushalayime.

Bienzedi 28:15

Bena ditaba ba mu Rome bavua bamane kumvua lumu lua difika dietu. Kuvuabu too ne ku Tshisalu tshia Apiyuse, ne ku Nzubu isatu ya Tshiala benyi, bua kutuakidila. Amu Polu ubamona, kukolaye muoyi, wela Mvidi Mukulu tuasakidila.

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.