Misambu 22:7 - MUKANDA WA MYIDI MUKULU

⁷ Kadi meme tshitshiena muntu! Badi bammona bu musanda. Bonsu badi bampenda, bampepeja!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bonso badi bantangila badi banseka, badi banfunkuna mishiku, badi bakuha mitu, bamba ne,

Misambu 22:7 ပူးပေါင်းရင်းမြစ်များ

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Yobe 16:10

Bantu badi bakula amu kuakula, bantandisha, bantuta mapi, bampenda, badi badikunguja bua kunduisha.

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Misambu 109:25

Ndi tshintu tshidibu bapepeja, padibu bantangila, badi banseka.

Misambu 31:18

Maweja-Nangila, ndi nkutendelela, nanku kumfuishi bundu. Bundu mbua bantu badi kabayi bakuitaba. Bapuwe, bapueke mu kandondu ka bafue.

Misambu 44:14

Udi utupendesha kudi bena mutumba, batulembakaja kudi batudi nabu pabuipi.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Yeshaya 57:4

Unudi nuseka nnganyi? Unudi nuela bibingu nnganyi? Unudi nuela kadimi nnganyi? Kanuena bana badi bantombokela anyi? Kanuena tshisamba tshia bena dishima anyi?

Matayi 27:29

Pashishe kujingabu tshikata tshia mionji ya meba, kumuasa ku mutu. Kumupeshabu dilenga mu tshianza tshiende tshia balume. Bavua batua binu kumpala kuende, bamuseka ne: — Muoyi, mukalenga wa bena Yuda!

Matayi 9:24

Ke kubambilaye ne: — Patukayi, muana kena mufue to, mmulale. Bantu abu kumuseka.

Marke 15:20

Bobu bamane kumuseka, kuntuvulabu tshinkutu tshikunze, kumuvuadikabu bilamba biende. Pashishe kuyabu nende ku mpenga kua tshimenga bua kumupopela pa mutshi mutshiamakane.

Marke 15:29

Bantu bavua bapitshila muaba awu bavua banyukisha mitu, bamupenda, bamuamba ne: — Akia! Wewe uvua musue kupula nzubu wa Mvidi Mukulu ne kuasa mukuabu mu matuku asatu,

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Luke 23:11

Erode ne basolayi bende batua baseka Yezu, bamupepeja. Kumutuadikabu tshilamba tshimpe tshitoke, kumupingaja kudi Pilate.