Misambu 22:16 - MUKANDA WA MYIDI MUKULU

¹⁶ Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Misambu 22:16 ပူးပေါင်းရင်းမြစ်များ

Misambu 22:1

Musambu wa mu mukanda wa misambu ya Davide, wa mu mukanda wa mulombodi wa bena misambu, wa kuimba ne muadi bu wa “Ngulungu wa tshienda patshiatshia.”

Misambu 22:20

Kadi Maweja-Nangila, kushadi kule! Wewe ke bukole buanyi, luakunu lukasa, ungambuluishe!

Misambu 38:11

Muoyi udi ungomba munda. Bukole mbunjimine. Mesu anyi akadi bibuidibuidi.

Misambu 59:14

Tshiji tshiebe tshibabutule, tshibajimije, kakushadi nansha muntu. Nanku pa buloba bujima bantu nebamanye ne: mu Izrayele mudi Mvidi Mukulu, Mukalenga wa bukole buonsu.

Misambu 59:6

Maweja-Nangila, Mvidi Mukulu wa bukole buonsu, Mvidi Mukulu wa Izrayele, juka ku tulu, unyoke bantu babi aba. Bena tshibawu aba, kubafuidi luse to.

Misambu 86:14

Eyi, Mvidi Mukulu, bena kapeja badi bajuka bua kunduisha, tshisumbu tshia bantu bapange malu tshidi tshikeba kunshipa. Kabena bakuangata ne mushinga to.

Yeshaya 53:5

Kadi bavua bamutape mputa, amu bua mibi yetu. Bavua bamukengeshe, amu bua buenzayi buetu. Bavua bamunyoke yeye, bandekele tuetu babinga. Bavua bamutuute bikole, kutulekela tuetu, kabayi nansha batulenga pambidi.

Yirmeya 12:6

Bualu nansha bantu bena diku diebe, nansha bana benu mene mbakuyile tshitungu. Badi bakunguja bantu ba kukuluisha, wewe kuyi mumanye. Wadimuke padibu bakuambila miaku ya lubombu!

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 26:57

Bavua bakuate Yezu, kuyabu kumufila kua Kayifa, mutuangaji munene, mu nzubu muvua balongeshi ba mikenji ne bakulu ba bena Yuda basangile.

Matayi 27:35

Kumupopelabu pa mutshi mutshiamakane. Kuabanyanganabu bilamba biende, bilondeshile muvuabu batshinke.

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

Marke 15:24

Pashishe kumupopelabu pa mutshi mutshiamakane. Kuabanyanganabu bilamba biende, bavua batshinka bua kumanya tshidi muntu yonsu ne bua kuangata.

Luke 23:23

Kadi bantu batua bateka amu mutoyi mukole, balomba amu bua bapopele Yezu pa mutshi mutshiamakane. Mbila yabu kupapisha Pilate mua kuenza tshivuaye musue.

Luke 23:33

Bafika pa muaba udibu binyika ne: “Kabalubalu,” kupopelabu Yezu pa mutshi mutshiamakane. Kuelabu kabidi bena tshibawu babidi abu ku mitshi mitshiamakane, umue ku dia balume dia Yezu, mukuabu ku diende dia bakaji.

Yowanane 19:23

Basolayi bamane kupopela Yezu ku mutshi mutshiamakane, kuangatabu bilamba biende. Kubitapululabu mu bitupa binayi, bua musolayi angate tshiende, musolayi tshiende. Kuangatabu kabidi muntumpu wende uvua kauyi ne mutelu, baukume nanku mujima kulu too ne panshi.

Yowanane 19:34

Kadi umue wa ku basolayi kumutua difuma diende mu lubadi. Mashi ne mayi kupatukamu diakamue.

Yowanane 19:37

Mbafunde kabidi miaku mikuabu mu Mukanda wa tshijila ne: “Bantu nebatangile uvuabu batubule.”

Yowanane 20:25

Balongi bakuabu kumuambila ne: — Tuvua bamone Mfumu. Kadi Tomase kubandamuna ne: — Pandi tshiyi mumone bibangu bia misumadi mu bianza biende, tshiyi mulenge ne minu muaba uvua misumadi, tshiyi mubueje tshianza tshianyi mu lubadi luende, tshiena mua kuitaba to.

Yowanane 20:27

Pashishe kuambilaye Tomase ne: — Teka munu webe apa. Tangila bianza bianyi. Tuma tshianza tshiebe, utshibueje mu lubadi luanyi. Lekela kuela mpata, itaba!

Filipe 3:2

Dimukilayi bantu badi benza bibi; dimukilayi mbua eyi. Dimukilayi badi basue kutekesha bantu panshi diteka dia dishima.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!