Misambu 22:15 - MUKANDA WA MYIDI MUKULU

¹⁵ Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bukole buanyi buakûma bu tshiyoyi tshia luesu, ne ludimi luanyi ludi lulamatu tshilakalaka tshianyi. Wewe udi undadika mu dinfuenkenya dia lufu.

Misambu 22:15 ပူးပေါင်းရင်းမြစ်များ

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Yobe 19:20

Ndi ne tshinyanu lelu, mushale amu mifuba pa mifuba nkayayi, mpala wanyi ukadi bu wa muntu mumane kufua.

Yobe 29:10

Nansha bamfumu mene bavua bapuekesha diyi, benda bapuwa.

Yobe 30:16

Mpindiewu nkadi nkeba kufua. Matuku onsu ndi amu mu dikenga.

Yobe 34:15

nyama ne bantu, bionsu bivua ne bua kufua musangu umue. Muntu uvua ne bua kupingana amu lupuishi.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

Misambu 30:9

Maweja-Nangila, ndi nkusengelela, nkulomba bua ungambuluishe.

Misambu 38:10

Maweja-Nangila, wewe udi mumanye tshindi njinga, mumvue kabidi mikemu yanyi.

Misambu 69:21

Bipendu mbinsunsule muoyi, nkadi mushikile. Mvua mukebe uvua mua kumfuila luse, kadi tshiena mumupete. Mvua muindile uvua mua kunsamba, tshiena mumumone.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Muadi 4:4

Ludimi lua bana ba mu diboku, ludi lulamata mu tshilakalaka, bualu badi bafue ne nyota. Bana batekete badi balomba biakudia. Kakuena muntu udi ubapeshabi nansha.

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Matayi 27:50

Yezu kuela kabidi lubila lukole, kukula muoyi.

Yowanane 19:28

Malu aa mamane kupita, bu muvua Yezu mumanye ne: mpindiewu bionsu mbimane kukumbana, bua kukumbaja miaku ivuabu bafunde mu Mukanda wa tshijila kuambaye ne: — Ndi ne nyota.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.