Misambu 20:2 - MUKANDA WA MYIDI MUKULU

² Dituku diudi mu dikenga, Maweja-Nangila anyishe dilomba diebe. Mvidi Mukulu wa Yakobe akulame!

Mukanda wa Nzambi Dihungila Dikulukulu ne Dihungila Dihia-dihia 2003

² Yeye akutumine dikuatshisha difume ku nsubu wandi wa tshijila, akukoleshe ne bukole bufume ku Siona!

Misambu 20:2 ပူးပေါင်းရင်းမြစ်များ

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

2 Samuele 6:17

Kuyabu kuteka mushete muaba uvuabu bamane kulongolola, mu ntenta uvua Davide muashile mushete awu. Ke Davide kulambula Maweja-Nangila milambu ya kuosha ne ya bobumue.

1 Bakalenga 6:16

Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.

Misambu 3:4

Kadi wewe, Maweja-Nangila, udi unjika bu ngabu. Udi umpa lumu, ndiumvua ne bukole.

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

Misambu 73:17

Kadi meme kubuela mu nzubu webe wa tshijila, kumanya bivua ne bua kubenzekela.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.