Misambu 19:9 - MUKANDA WA MYIDI MUKULU

⁹ Meyi a Maweja-Nangila adi makane, aludika muntu mu njila wa diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ditshina dia Yehowa didi ditoke, didi dishindama tshiendelele; dî dijalame dia Yehowa didi dia bushuwa, didi ne buakane misangu yonso.

Misambu 19:9 ပူးပေါင်းရင်းမြစ်များ

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Misambu 10:5

Bionsu bidiye wenza bidi biya kumpala. Paudi ukosa tshilumbu tshiende, kabiena bimuenzela bualu, bualu wewe udi kulu kule!

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Misambu 119:1

Bantu badi ne nsombelu muakane, balonda mikenji ya Maweja-Nangila mu nsombelu wabu, badi ne disanka!

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:142

Buakane buebe mbua kashidi, mikenji yebe kabena mua kuyishintulula.

Misambu 119:39

Ngumbushile kapeja, kadi kankuata bowa, bualu mapangadika ebe ke adi mimpe.

Misambu 119:62

Ndi mbika mundankulu, nkutumbisha bua mapangadika makane audi muangate.

Misambu 119:7

Nenkutumbishe ne muoyi umue, ndonge malu malelela audi mupangadike.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Misambu 12:7

Tudi mua kutekemena bidi Maweja-Nangila wamba. Miaku yende idi milelela, idi bu tshiamu tshitoke tshia mushinga mukole tshiengulula misangu muanda mutekete.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Misambu 36:1

Musambu wa mu mukanda wamisambu ya muntu wa Mvidi Mukulu Davide, wa mu mukanda wa mulombodi wa misambu.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Ekesode 21:1

— Mikenji mikuabu iudi mua kuambila bena Izrayele idi nunku:

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 2:2

Tudi bamanye ne: Mvidi Mukulu udi upisha amu pa bualu bantu badi benza malu a nanku.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 16:7

Pashishe meme kumvua diyi difumina ku tshilambuilu, diamba ne: “Eyowa, Maweja-Nangila, Mvidi Mukulu wa bukole buonsu, udi ukosa nsambu mudiyi, mu bulelela!”

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.