Misambu 18:7 - MUKANDA WA MYIDI MUKULU

⁷ Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Ka buloba buakazakala ne buakanyunga, bishimikidi bia mikuna mile biakazakala kabidi ne biakakanka, bualu bua yeye wakadi ne tshiji.

Misambu 18:7 ပူးပေါင်းရင်းမြစ်များ

Misambu 34:16

Maweja-Nangila udi utangila bantu bende, uteleja padibu bamubila.

Misambu 34:18

Padi bantu bende bamutendelela, Maweja-Nangila udi ubateleja, ubumusha ku makenga abu.

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Misambu 40:2

Mvua mutekemene bikole kudi Maweja-Nangila. Kuinamaye kundi, kumvuaye lubila luanyi.

Misambu 46:2

Mvidi Mukulu udi tshisokomenu tshietu, utupe bukole. Mu makenga etu udi utuambuluisha misangu yonsu.

Yirmeya 4:24

Ndi mmona mikuna minene yupuka, mikuna mikese izakala.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Zekâya 14:4

Dituku adi, neimane pa mukuna wa mitshi ya olive, udi pabuipi ne Yerushalayime, luseke ludi diba dipatukila lua tshimenga. Mukuna wa mitshi ya olive neupandike pankatshinkatshi, tshibandabanda tshinene netshimueneke, tshibanga luseke ludi diba dipatukila, tshifika too ne ku ludidi dibuelela. Tshia bibidi tshimue tshia mukuna netshisemenene luseke lua ku mutu kua ditunga, tshitupa tshikuabu netshisemenene luseke lua kuinshi kua ditunga.

Matayi 28:2

Diakamue buloba kuzakala bikole. Mutumibue wa Maweja-Nangila kutuluka mu diulu, kubunguluja dibue divua ku lukita ku luseke, kusombapu.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Balombodi 5:4

Maweja-Nangila kumuka mu ditunga dia Edome, kupueka ku mikuna ya Seyire. Buloba kuzakala, mavuba kuenguluka mayi, mvula wa mudimbi kuloka.