Misambu 17:3 - MUKANDA WA MYIDI MUKULU

³ Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Mukanda wa Nzambi Dihungila Dikulukulu ne Dihungila Dihia-dihia 2003

³ Wewe wakuteta mutshima wanyi; wewe wakulua kundi mu butuku; wewe wakunteta, kukumangana ne meji mabi. Mukana muanyi kabidi kamuena muamba malu mabi.

Misambu 17:3 ပူးပေါင်းရင်းမြစ်များ

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Yobe 24:14

Patshiatshia, mushipianganyi udi ujuka, uya kushipa mukengi udi kayi ne tshintu. Padi butuku buila, udi uya kuiba.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

Misambu 139:1

Musambu wa mulombodi wa bena misambu. Mu mukanda wa misambu ya Davide. Maweja-Nangila, udi mujingulule muoyi wanyi, udi mummanye:

Misambu 139:23

Mvidi Mukulu wanyi, jingulula malu adi mu muoyi wanyi, ummanye. Untete, umanye majinga anyi onsu.

Misambu 16:7

Ndi ngela Maweja-Nangila tuasakidila, bualu udi undudika. Nansha butuku kondu ka munda kadi kambela.

Misambu 26:2

Maweja-Nangila, unkonkonone, undumbuluishe, tangila munda muanyi majinga ne meji bindi nabi.

Misambu 39:1

Musambu wa mu mukanda wa mulombodi wa bena misambu ne wa mu mukanda wa Yedutune. Wa mu mukanda wa misambu ya Davide.

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Misambu 7:4

Maweja-Nangila Mvidi Mukulu wanyi, bu meme muenze bidibu bamba, bu meme munyange bianza bianyi ne bubi,

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Yirmeya 12:3

Maweja-Nangila udi mummanye meme. Udi mummone, udi mujadike mundi mukunange, mukusungule amu wewe. Kadi bantu babi, ubateke ku luseke, anu bu mudibu bateka mbuji ya mikoku pa nkayayi bua kuyishipa. Ubateke ku luseke bua dituku dia kabutu babashipe.

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Osheya 7:6

Bantu badi bela tshifufu, mioyi yabu idi bu kapia ka mu tshioshilu. Butuku bujima tshiji tshiabu tshidi tshituya. Kadi, dinda tshidi tshijuka bu ndimi ya kapia kakole.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 16:9

Butuku Mvidi Mukulu kuleja Polu malu. Kumonaye muntu wa bena Masedoniya muimane, umulomba ne: “Pitshila mu Masedoniya, uvue kutuambuluisha!”

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Samuele 24:10

wela Shawule lusanzu ne: — Mukalenga Shawule, bua tshinyi udi witaba malu adi bantu bakuambila ne: meme Davide ndi nkukeba mua kukuenzela bibi?

1 Samuele 24:12

Tangila, mukalenga wanyi, tangila tshindi mukuate ku bianza etshi. Ndi ne tshipesa tshia muntumpu webe! Ndi mukose anu tshipesa tshia muntumpu webe, kadi tshiena mukushipe to, bua kujadika ne: tshiena ne dijinga dia kukuenzela bibi, nansha kukutombokela. Udi mumone ne: meme Davide tshiena mukuenzele bubi nansha bumue. Anu wewe udi wenda ungipata bua kunshipa.

1 Samuele 26:11

Kadi Maweja-Nangila neankandike bua tshishipi mukalenga uvuaye mudisunguile. Nanku, tuambule amu difuma diende didi ku mutu, pabuipi nende, tuambule kabidi ne mulondu wende wa mayi, tuye nabi.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.