Misambu 17:15 - MUKANDA WA MYIDI MUKULU

¹⁵ Meme nenkumone, bualu tshivua muenze bibi. Pangabika, nenkutangile, kabiyi bintonda!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi meme hanyi, mu kubingishibua kuanyi, nemmone mpala webe: nengikale ne disanka dikumbane hanatabala ne hanatangila tshifuanyikishi tshiebe.

Misambu 17:15 ပူးပေါင်းရင်းမြစ်များ

Yobe 14:12

Kadi muntu udi mufue, kakubika to. Kakujuka ku tulu tuende tua ndekelu to. Neatabale amu diba didi diulu dibutuka, dijimina.

Misambu 11:7

Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 49:14

Umvuayi bidi bienzekela bantu badi baditekemena. Monayi kuaya bonsu badi baditemba.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Misambu 65:4

nansha bobu benza bibi bipite. Bubi buetu budi butunemenena bujitu. Amu wewe ke udi mua kubujimija.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yirmeya 31:26

(Ke mudibu bamba ne: “Ke meme kujuka ku tulu kudiunwua ne bukole bua mubidi.”)

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.