Misambu 16:5 - MUKANDA WA MYIDI MUKULU

⁵ Maweja-Nangila, wewe ke undi nende, bindi nkengela ndi mbipeta kuudi. Ndi mu bianza biebe kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi luanyi luseke lua buhianyi buanyi ne lua luhanza luanyi; wewe mene udi unjadikila luseke luanyi lua buhianyi.

Misambu 16:5 ပူးပေါင်းရင်းမြစ်များ

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Misambu 116:13

Nendambule Maweja-Nangila mulambu wa mvinyo, mmuele tuasakidila, bualu mmumpandishe!

Misambu 119:57

Maweja-Nangila, ndi muambe ne: tshindi ne bua kuenza, nkulama mikenji yebe.

Misambu 125:3

Bumfumu bua bantu babi, kabuena mua kushindama mu buloba bua bantu bakane, tshianana bantu bakane nebabuelakane mu malu mabi.

Misambu 132:11

Maweja-Nangila uvua muditshipe kudi Davide ne mutshipu, udiye kayi mua kulekela ne: “Nensungule umue wa ku bana bebe ba balume, bua kukupinganaye mu bukalenga.

Misambu 142:5

Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 23:5

Udi untekela mesa, baluishi banyi batangile, undaba tshilabu tshia muenyi muimpe. ungelela maluvu dikopu tente.

Misambu 73:26

Nansha mubidi wanyi ne muoyi bienda bishikila, kadi wewe Mvidi Mukulu udi bukole buanyi, ushale wanyi diba dionsu.

Misambu 89:4

Wewe uvua muambe ne: “Mvua mutue ndondu, ne muntu umvua musungule, ne Davide muena mudimu wanyi, mvua mumulaye ne:

Misambu 9:4

Paudi umueneka, baluishi banyi badi banyema, badishinda, bafue.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Muadi 3:24

Ndi ngamba ne: Maweja-Nangila udi bumpianyi buanyi. Ke pandi ntekemena kudiye.

Bienzedi 2:32

Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

1 Korente 15:25

Bualu Kristu udi ne bua kuikala mukalenga too ne padi Mvidi Mukulu utshimuna bena lukuna bonsu, ubateka kuinshi kua makasa ende.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Dielulula 18:2

Kabena ne bumpianyi munkatshi mua bena Izrayele, bualu Maweja-Nangila udi bumpianyi buabu, bu muvuaye mumane kubambila.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

Yoshua 22:25

Bualu Maweja-Nangila nkayende mmumane kuteka Yardene bu mukalu pankatshi petu nenu. Nanku nuenu bena Rubene ne bena Ngade, kanuena ne tshinudi mua kuamba kumpala kua Maweja-Nangila to.” Diba adi ndelanganyi yenu idi mua kukandika yetu bua kayitendeledi Maweja-Nangila.

Yoshua 22:27

Tudi tujinga bua tshilambuilu etshi tshikale tshimanyinu tshietu nenu ne ndelanganyi yalonda, tshijadike ne: tuetu tudi mua kutendelela Maweja-Nangila, tudi mua kulambula milambu ya kuosha, ya bobumue, nansha ya mushindu mukuabu. Nanku ndelanganyi yenu kayena mua kujadikila yetu ne: kanuena ne tshinudi mua kuamba kumpala kua Maweja-Nangila.