Misambu 150:5 - MUKANDA WA MYIDI MUKULU

⁵ Mutumbishayi ne ludibu lua muadi muimpe, mutumbishayi ne ludibu lua lumu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Numutumbishe ne biamu bidi bivuma, numutumbishe ne biamu bia kukumakasha bidi biakula ne tshiona tshikole!

Misambu 150:5 ပူးပေါင်းရင်းမြစ်များ

2 Samuele 6:5

Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

1 Kulondolola 13:8

Davide ne bena Izrayele bonsu bavua benda basanka muabu muonsu, kumpala kua Mvidi Mukulu. Bavua bimba misambu ne biombelu bia mishindu yonsu: nzenze, ngoma, ndibu ne mpungi.

1 Kulondolola 15:16

Davide kuambila balombodi ba bena Levi bua basungule mu meku abu, bena misambu, bikale ne bisanji, nzenze ne ndibu, badi mua kuimba misambu ne diyi dikole dia disanka.

1 Kulondolola 15:19

Bimbi ba misambu Emane, Ashafe ne Etane bavua bimba bikole ndibu ya tshiamu tshikunze.

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Kulondolola 16:5

Ashafe ke uvua ulombola bantu abu, bamuambuluisha kudi Zekarya. Yaziyele, Shemiramote, Yekiyele, Matitiya, Eliyabe, Benaya, Obede-Edome ne Yeyele, bavua bimba lunkombe ne lunzenze. Ashafe uvua unyungisha ndibu.

1 Kulondolola 25:1

Bavua bambuluisha Davide kudi bamfumu ba bisumbu bivua bitangila mudimu wa butendeledi, bua kusungula bena mudimu wa butendeledi awu. Ke ndelanganyi ya Ashafe, ya Emane, ne ya Yedutune. Ndelanganyi eyi ivua imanyisha malu a Mvidi Mukulu, imba misambu ne lunzenze, lunkombe ne ndibu. Mena abu avua nenku:

1 Kulondolola 25:6

Bantu bonsu aba bavua bimba misambu mu nzubu wa Maweja-Nangila ne bisanji biabu: ndibu, nkombe ne nzenze. Bavua baludika bisumbu ebi kudi batatuabu. Bavua benza mudimu wabu mu nzubu wa Mvidi Mukulu, babalombola kudi Ashafe, Yedutune ne Emane, bu muvua mukalenga mubafundile.

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.