Misambu 15:1 - MUKANDA WA MYIDI MUKULU

¹ Musambu wa mu mukanda wa misambu ya Davide. — Maweja-Nangila, wabuela mu nzubu muebe, wasomba pa mukuna webe wa tshijila nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, muntu kai neashikame mu nsubu webe wa ntenta? Washikama mu mukuna webe wa tshijila nganyi?

Misambu 15:1 ပူးပေါင်းရင်းမြစ်များ

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 23:6

Eyowa, matuku onsu antshidi ne muoyi, bulenga buebe ne luse nebikale nanyi. Maweja-Nangila, matuku anyi onsu a panu, nembuele amu mu nzubu muebe.

Misambu 3:4

Kadi wewe, Maweja-Nangila, udi unjika bu ngabu. Udi umpa lumu, ndiumvua ne bukole.

Misambu 61:4

Wewe udi muaba undi mua kunyemena, nzubu mutumbuke udi unjika kudi baluishi.

Misambu 84:4

Nansha mushamusha mmupete muaba wa kuikishila, ne kandindi nkapete disua bua kuteka bana baku, pabuipi ne bilambuilu biebe wewe Maweja-Nangila, wa bukole bonsu, mukalenga wanyi ne Mvidi Mukulu wanyi.

Misambu 92:13

Kadi muntu muakane udi ukola, bu dibue dia ngaji, udi ulepa bu mutshi wa sedre wa mu Lebanone.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.