Misambu 149:3 - MUKANDA WA MYIDI MUKULU

³ Bantu batumbishe Maweja-Nangila ne maja, bamuimbile, bamusamune ne lunkombe.

Mukanda wa Nzambi Dihungila Dikulukulu ne Dihungila Dihia-dihia 2003

³ Batumbishe dina diandi ne maja a disanka, Bamuimbile misambu ya kumutumbisha nʼai ku tshiona tshia mazele ne lunkombe!

Misambu 149:3 ပူးပေါင်းရင်းမြစ်များ

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

1 Kulondolola 16:42

Emane ne Yedutune bavua ne mpungi ne ndibu ya bena misambu. Bavua kabidi ne bikuabu biamu bia kuimba nabi misambu ya tshijila. Bana ba Yedutune bavua balami ba biibi.

1 Kulondolola 25:6

Bantu bonsu aba bavua bimba misambu mu nzubu wa Maweja-Nangila ne bisanji biabu: ndibu, nkombe ne nzenze. Bavua baludika bisumbu ebi kudi batatuabu. Bavua benza mudimu wabu mu nzubu wa Mvidi Mukulu, babalombola kudi Ashafe, Yedutune ne Emane, bu muvua mukalenga mubafundile.

2 Kulondolola 20:28

Kubuelabu mu Yerushalayime, benda bimba lunzenze, tshisanji ne mpungi, batangile ku nzubu wa Maweja-Nangila.

2 Kulondolola 29:25

Ke mukalenga Izkiya kuteka bena Levi mu lubanza lua nzubu wa Mvidi Mukulu. Bena Levi abu bavua ne nzenze, ndibu ne nkombe, bu muvua mukalenga Davide muambe, muvuabu bambe kabidi kudi bambi, Ngade ne Natane, bavua benzela mukalenga mudimu. Ke diyi divua Maweja-Nangila muambile bambi bende abu, bua bamanyishe bantu bonsu.

Ezela 3:10

Pavua bibaki bakeba kuasa tshitaku tshia nzubu wa Mvidi Mukulu, kubikilabu batuangaji bamane kuvuala bilamba biabu bia mudimu wa batuangaji, bikale ne mpungi. Kubikilabu kabidi bena Levi, ndelanganyi ya Ashafe, bavua ne ndibu. Bonsu abu kutumbisha Maweja-Nangila, bilondeshile mikenji ya Davide, mukalenga wa bena Izrayele.

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 33:2

Tumbishayi Maweja-Nangila ne lunzenze, musamunayi ne tshisanji tshia nshinga dikumi!

Misambu 81:2

Nuelele Mvidi Mukulu mbila ya disanka, udi utulama, nukumine Mvidi Mukulu wa Yakobe bikashi.

Misambu 81:3

Imbayi musambu, nuimbe ne ngoma, ne lunkombe ludi ne muadi muakane ne lunzenze.

Misambu 87:7

Wewe Tshimenga tshia Mvidi Mukulu, bimbi ba misambu ne baji ba maja bonsu tshiapamue, batumbishe lumu luebe.

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Yirmeya 31:4

Izrayele wanyi munanga, ndi nkujula tshiakabidi, ndi ngasulula tshimenga tshiebe. Bantu nebimbe ngoma. Nebaje maja, basanka.

Balombodi 11:34

Pavua Yefete upingana kuende ku Mispa, muanende wa bakaji kupatuka bua kumuakidila. Uvua wenda wimba makasa, uja ne maja. Yefete uvua anu ne muana umue wa bakaji awu. Kavua mulele bakuabu to.