Misambu 148:8 - MUKANDA WA MYIDI MUKULU

⁸ nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ kahia ne mabue a nvula, neige ne dibungi, tshihehele tshikole tshidi tshitumikila mukenji wandi!

Misambu 148:8 ပူးပေါင်းရင်းမြစ်များ

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Yobe 37:12

Ke mudiye watangalaja eku ne eku, bua akumbaje bionsu bidiye musue mu matunga onsu a pa buloba.

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Misambu 18:12

Kudibuikilaye ne midima mikole, mavuba makuatakane ne mayi kumujingila.

Ekesode 10:13

Moshe kuolola dikombu mu ditunga dia Ejipitu. Dituku adi too ne butuku, Maweja-Nangila kutuma lupepele lufumina kudi diba dipatukila. Butshia dinda, lupepele alu kupaluisha mpasu.

Ekesode 10:19

Maweja-Nangila kutuma lupepele lukole lufumina kudi diba dibuelela. Lupepele alu kuipata mpasu yonsu, kuyituma mu Mayi manene makunze. Mu ditunga dia Ejipitu ka-muvua mushale kabidi mpasu nansha umue to.

Ekesode 14:21

Butuku abu, Moshe kuolola tshianza pa mayi manene. Butuku bujima Maweja-Nangila kutuma tshipepela tshikole, tshifumina luseke ludi diba dipatukila. Tshipepela atshi kupandulula mayi manene, buloba buma kumueneka.

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Lewitiki 10:2

Diakamue kapia kufuma kudi Maweja-Nangila, kubosha, kubashidisha muaba awu.

Amosa 4:13

Vulukayi, uvua muenze mikuna, uvua mufuke lupepele, udi umanyisha bantu meji ende, udi wandamuna butuku buenza munya, udi wendakana ku nsongu ya mikuna, ke Maweja-Nangila, Mvidi Mukulu wa bukole buonsu.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Yona 1:4

Kadi Maweja-Nangila kutuma tshipepele tshikole pa mayi manene. Mavuala makole kujuka. Buatu buvua pamue ne kupandika.

Yona 1:5

Nanku, bitshi ba buatu kukuatshika bowa bukole. Muntu yonsu uvua ulomba wende nwidie, wela mbila, bua tshipepele tshibutame. Pashishe kuimanshabu bintu bionsu bivua mu buatu mu mayi manene, bua buatu bupepele. Kadi Yona uvua anu mulale tulu tukole mu bibeya bia muinshi mua buatu.

Dibadika 16:35

Pashishe Maweja-Nangila kutuma kapia. Kubutulaku bantu bonsu nkama ibidi ne makumi atanu, batshikale ne muoyi. Ke bavua balambula musenga wa kamonya.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Didimanyisha 16:21

Mvula wa mabue kuloka, mabue a bujitu bua kilo bu makumi anayi. Kutuutawu bantu. Bu muvua tshipupu tshia mabue atshi tshikole tshipite, bantu bavua amu basendeka Mvidi Mukulu.