Misambu 147:2 - MUKANDA WA MYIDI MUKULU

² Maweja-Nangila mmuibake Yerushalayime, mmusangishe bena Izrayele bavua mu bupika.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi wasa Yelushalema kabidi; ukungisha ba mu Isalele bakadi bamuangalashibue hohamue.

Misambu 147:2 ပူးပေါင်းရင်းမြစ်များ

Nehemya 6:15

Tuetu bamane kuenza mudimu matuku makumi atanu ne abidi, tuetu kujikija dibaka dia tshimana dituku dia makumi abidi ne ditanu dia ngondu wa Elule.

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Nehemya 7:4

Tshimenga tshia Yerushalayime tshivua tshialabale. Kadi bantu bavua basamu bavua amu bakese. Bualu kabavua banji kulongolola nzubu mikuabu.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

Misambu 51:18

Kuena musue nkulambule milambu. Nansha ya diosha kayena ikulengelela.

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 56:8

Maweja-Nangila uvua mupingaje bena Izrayele bavuaye mumuangalaje kuabu, udi wamba kabidi ne: “Nkadi mumane kusangisha bantu, kadi ntshidi nsangisha ne bakuabu bua nuenze nabu tshintu tshimue.”

Yeshaya 62:7

Kanumushidi mpunga, too ne pamanaye kuibakulula tshimenga, ne penzaye tshimenga etshi muaba udibu batumbisha mu matunga onsu.”

Yirmeya 31:10

Nuenu bisamba bikuabu, telejayi tshidi Maweja-Nangila wamba. Numanyishe bantu too ne ba mu bidiila bidi kule ne: “Maweja-Nangila uvua mutangalaje bena Izrayele. Kadi mpindiewu udi mubakunguje. Udi ubakuba mudi mulami wa mikoku ukuba mikoku yende.”

Yirmeya 31:4

Izrayele wanyi munanga, ndi nkujula tshiakabidi, ndi ngasulula tshimenga tshiebe. Bantu nebimbe ngoma. Nebaje maja, basanka.

Yirmeya 32:37

Bushuwa, mvua mufike munda, munyingalale ne tshiji tshikole bua bantu ba mu tshimenga etshi. Ke mumvua mubatangalaje mu matunga mashilangane. Kadi nembakunguje, nembapingaje munemu. Nembasombeshe mu ditalala.

Yezekiyele 38:8

Padi bidimu bia bungi bipita, nenkutume bua kuluisha bena Izrayele. Bena Izrayele batua bapanduke ku mvita, nebumuke mu matunga mashilangane atuabu basombe. Nebaye kusomba pa mikuna ya Izrayele itua mishale munda mutupu bidimu bia bungi. Katshia bena Izrayele bumuke munkatshi mua bisamba bikuabu, batua basomba amu talala.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.

Mika 4:6

Maweja-Nangila udi wamba ne: “Dituku nedifike, dindi nsangisha badi batapika mputa, dindi mpingaja mu matunga abu, bamvua mukengeshe, mutume mu bupika.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.