Misambu 145:3 - MUKANDA WA MYIDI MUKULU

³ Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa udi munene, budiye nʼabu mbua kutumbishibua bikole. Bunene buandi kabuena mua kujinguludibua.

Misambu 145:3 ပူးပေါင်းရင်းမြစ်များ

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

Yobe 26:14

Ebi bidi amu midimu mikese ya Mvidi Mukulu itudi tutela, bualu ku bionsu bidiye muenze, bitudi bamanye mbikese. Udi mua kujingulula bunene buende nnganyi?

Yobe 36:26

Eyowa, Mvidi Mukulu mmunene. Katuena mua kujingulula bunene buende. Kabena mua kubadika bidimu biende to.

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Yobe 9:10

Malu adiye muenze mmanene, muntu kena mua kuajingulula. Kena nansha mua kubala bishima biende bungi buabi.

Misambu 139:6

Mushindu uudi mummanye udi unkemesha, mmupite bionsu bindi mua kumvua.

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 48:1

Musambu wa mu mukanda wa misambu wa bena Kora.

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.