Misambu 145:1 - MUKANDA WA MYIDI MUKULU

¹ Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nenkutumbishe, Nzambi wanyi, Mukelenge wanyi. Nenvudishile dina diebe disanka tô ne tshiendelele.

Misambu 145:1 ပူးပေါင်းရင်းမြစ်များ

1 Kulondolola 29:13

Maweja-Nangila wetu, ke patudi tukutumbisha, tusamuna dina diebe dia butumbi.

Misambu 100:1

Musambu wa mulambu wa kuela Mvidi Mukulu tuasakidila. Nuenu bantu ba pa buloba bujima, elayi Maweja-Nangila tunkunduluila.

Misambu 118:28

Wewe Maweja-Nangila, udi Mvidi Mukulu wanyi, ndi musue kukutumbisha. Mvidi Mukulu wanyi, ndi musue kumanyisha bunene buebe.

Misambu 145:21

Mukana muanyi mutumbishe Maweja-Nangila ne misambu! Bionsu bidi ne muoyi biele Mvidi Mukulu wa tshijila tuasakidila bua kashidi!

Misambu 146:2

Nentumbishe Mvidi Mukulu wanyi matuku onsu antshidi ne muoyi, nemmuimbile misambu bidimu bionsu bindi panu.

Misambu 149:2

Izrayele, usanke, bualu Maweja-Nangila udi mukufuki webe. Bena Siyone nusanke, bualu udi mukalenga wenu.

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Misambu 30:12

Uvua wandamuna kanyinganyinga kanyi, kenza tshianga tshia disanka. Uvua mumvule tshilamba tshia madilu, mumvuadike tshia tshibilu.

Misambu 30:2

Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Misambu 34:1

Musambu wa mu mukanda wa misambu ya Davide muimbe pavuaye mudienze bu mupale kumpala kua Abimeleke, Abimeleke kumuipata mu lubanza luende lua bukalenga.

Misambu 44:4

Bankambua betu kabavua bakuate ditunga adi, ku muele wabu wa mvita, nansha ku bukole bua diboku diabu, kadi amu ku diambuluisha diebe, ne ku bukole buebe. Uvua nabu diba dionsu, bualu uvua mubanange.

Misambu 45:1

Musambu wa mu mukanda wa mulombodi wa bena misambu. Muimba ne nzenze. Kasala ka mu mukanda wa misambu wa bena Kora. Musambu wa dinanga.

Misambu 45:6

Miketa yebe idi mitue mitambe. Neibuele mu mioyi ya baluishi bebe. Bantu nebashinde ku makasa ebe.

Misambu 5:2

Maweja-Nangila, umvua bindi ngamba, teleja mikemu yanyi!

Misambu 5:3

Mukalenga wanyi, Mvidi Mukulu wanyi, teleja ne ntema pandi nkubikila. Wewe ke undi ndomba.

Misambu 52:9

“Tangilayi mulumiana uvua muteke muoyi ku biuma, kayi utekemena kudi Mvidi Mukulu. Uvua udiunwua ne dikanda bualu bua bubanji buende.

Misambu 68:4

Kadi bantu ba Mvidi Mukulu nebamutumbishe, Nebasanke batue tshianga!

Misambu 75:9

Mu bianza bia Maweja-Nangila mudi dikopu dia maluvu, dia maluvu a buanji mamane kuzaza. Ke maluvu a tshiji tshia Mvidi Mukulu. Udi wanuisha bantu babi ba pa buloba. Badi ne bua kuanua bonsu, kuajikija too ne binyindanyinda, kushiya dikopu munda mutupu.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Misambu 96:2

Imbilayi Maweja-Nangila musambu, numusakidile bualu udi Mvidi Mukulu wenu. Numanyishe bantu ku dituku ne ku dituku ne: Mvidi Mukulu udi Musungidi.

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Yeshaya 38:20

Maweja-Nangila, uvua munsungidile. Ke mutudi tukutumbisha, tukuimbila ne bisanji, matuku onsu atudi tusomba panu, mu nzubu muudi netu, Maweja-Nangila.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”