Misambu 144:1 - MUKANDA WA MYIDI MUKULU

¹ Musambu wa mu mukanda wa misambu ya Davide. Ndi ngela Maweja-Nangila, Lubuebue luanyi tuasakidila, yeye ngudi undongesha mua kuluangana mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, dibue dianyi, avudishibue disanka; udi uyisha bianza bianyi mua kuluanganabi nvita, ne minu yanyi mua kuelayi bielelu bia nvita.

Misambu 144:1 ပူးပေါင်းရင်းမြစ်များ

2 Samuele 22:35

Udi undongesha mua kuluangana mvita, ungambuluisha mua kunana buta, nansha bobu bukole butambe.

2 Bakalenga 13:16

Muambi Elisha kumuambila ne: — Unzulula dididishi luseke ludi diba dipatukila. Mukalenga Yowashe kunzulula. Muambi kumuambila kabidi ne: — Ambule buta buebe ne miketa, unane. Mukalenga Yowashe kuambula buta. Elisha kutentakaja bianza biende pa bianza bia mukalenga Yowashe. Pashishe, kutumaye diyi bua mukalenga ele muketa. Anu mukalenga Yowashe wela muketa, muambi kuela diyi, wamba ne: — Muketa awu, mbua kumanyisha bena Izrayele ne: Maweja-Nangila neanupe bukole bua nuenu kutshimuna bena mvita ba bena Siriya. Eyowa, neutshimune bena Siriya mu tshimenga tshia Afeke Neubabutule.

Misambu 18:2

Maweja-Nangila, ndi mukunange, Wewe udi bukole buanyi.

Misambu 18:3

Maweja-Nangila udi lubuebue luanyi, muaba undi nsokomena, mpetela lupandu. Udi undama bu ngabu. Udi mukuna undi nyemena bua kupanda.

Misambu 18:31

Bidi Mvidi Mukulu wenza bidi biakane. Yeye muambe diyi, udi udikumbaja. Udi ulama bu ngabu bonsu badi banyemena kudiye.

Misambu 18:34

Udi unnyemesha lubilu bu lua ngulungu, ungimanyika pa miongu ya mikuna.

Misambu 18:35

Udi undongesha mvita, undeja mundi mua kunana buta.

Misambu 60:12

Amu wewe Mvidi Mukulu ke udi mua kuenza nanku. Kadi wewe kutubenga, kuyi musue kabidi kuenda netu mu mvita.

Misambu 71:3

Wikale lubuebue, muaba mukole undi mua kusokomena. Eyowa, wewe udi lubuebue, muaba undi mua kupetela lupandu.

Misambu 95:1

Luayi tuelele Maweja-Nangila mbila ya disanka, tuele Dibue dietu, ne Musungidi wetu tunkunduluila.

Yeshaya 26:4

Tekayi muoyi wenu matuku onsu kudi Maweja-Nangila, bualu yeye udi Mvidi Mukulu wetu. Yeye neatukube kashidi.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.