Misambu 141:4 - MUKANDA WA MYIDI MUKULU

⁴ Unkandike bua tshiyi kuamba miaku mibi, nansha kuenza bualu bubi, tshiyi kuidikija bantu badi benzela bakuabu bibi. Undame tshiyi kudia nansha tshiakudia tshidibu banange.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kuinyiki mutshima wanyi ku bualu bubi, ne mu kuenza kuanyi kua bienzedi bibi handi ndamata kudi benji ba malu mabi. Tshidi bianyi bia kudia biabo bilengele.

Misambu 141:4 ပူးပေါင်းရင်းမြစ်များ

Genese 27:14

Yakobe kutuadila mamuende mbuji ayi. Rebeka kulambila Izake tshiakudia tshimpe tshivuaye musue.

1 Bakalenga 13:8

Kadi muambi kuandamuna mukalenga Yerobowame ne: — Nansha wewe mumpeshe tshia bibidi tshimue tshia bubanji buebe, tshiena mua kuya ku nzubu kuebe to. Muaba ewu, tshiena mua kudia kapese ka diampa, nansha kunua kamata ka mayi to.

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

1 Bakalenga 8:58

Maweja-Nangila atupeshe muoyi muimpe bua tudifile anu kudiye, tuenze malu adiye musue, tukumbaje meyi ende, mikenji yende, ne miaku yende ivuaye muambile bankambua betu.

Misambu 119:36

Tangija muoyi wanyi ku mikenji yebe, kuutangiji ku biuma.

Misambu 28:3

Kunteki kaba kamue ne bena tshikisu, badi bakengesha bakuabu, babambila miaku ya ditalala, kadi munda muabu muikale lonji.

Yeshaya 63:17

Maweja-Nangila, uvua muanyishe bua tupambuke, tulekele njila webe, tuikale ne tshitunu, tubenge bumfumu buebe bua tshinyi? Pingana kutudi, bualu tudi bena mudimu bebe, bantu baudi mudisunguile.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

1 Korente 15:33

Kanudishimi: “Panudi nuenda ne balunda babi, nenunyanguke.”

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Yakobe 1:13

Padibu bateta muntu, kambi ne: “Mvidi Mukulu udi unteta.” Bualu kabena mua kuteta Mvidi Mukulu kudi bubi. Yeye mene kena uteta muntu nansha umue.

Didimanyisha 18:4

Pashishe meme kumvua diyi dikuabu difuma mu diulu, diamba ne: “Bantu banyi, umukayi mu tshimenga etshi, bua bubi buatshi kabunulamatshi, kabanunyoki pamue natshi.