Misambu 137:3 - MUKANDA WA MYIDI MUKULU

³ Muaba awu, bantu bavua batukuata ku bupika, bavua batulomba bua tubimbile misambu; bavua batukengesha abu bavua batulomba misambu ya disanka bamba ne: “Tuimbilayi misambu, musambu umue wa Siyone!”

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua mu buloba abu bakadi batubuesha mu buhika bakasua kutuimbisha mei a misambu; bakadi banukengesha bakasua tuetu tubimbile musambu wa disanka bamba ne, Nutuimbile musambu wa mu misambu ya mu Siona,

Misambu 137:3 ပူးပေါင်းရင်းမြစ်များ

1 Kulondolola 15:27

Davide, bena Levi bavua bambula mushete, bena misambu, ne Kenaniya mutangidi wa bambudi ba mushete, bavua bavuala binkutu bia tshilamba tshienza ne buanda bua mitshi. Davide uvua muvuale kabidi tshilamba tshia muinshi tshia batuangaji, tshienza ne buanda bua mitshi.

1 Kulondolola 16:7

Dituku adi, ke musangu wa kumpala uvua Davide musungule Ashafe ne bantu bende bua kutumbishabu Maweja-Nangila, bamba ne:

Nehemya 4:2

Kudisangishabu bonsu bua kuluisha bena mu tshimenga tshia Yerushalayime, ne kujula tshimvundu.

Misambu 65:1

Musambu wa mu mukanda wa mulombodi wabena misambu. Wa mu mukanda wa misambu ya Davide.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Misambu 80:6

Udi mukutshishe bantu bebe ne kanyinganyinga, kukuatshikabu binsonji makopu tente.

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Nsumuinu 25:20

Kuimbila muntu udi mu dikenga misambu, kudi amu bu kuvula muntu tshinkutu dituku dia mashika, nansha bu kuela maluvu a buanji mu mputa.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 51:11

Maweja-Nangila neapikule bantu bende. Bantu abu nebapingane mu Yerushalayime. Nebabuelemu, benda bela bibingu bia disanka. Disanka didi kadiyi dijika nedikenkeshe mpala yabu. Musangelu ne diakalenga ne biuwule mu muoyi wabu tente. Ntatu ne makenga nebijike.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Luke 21:6

— Matuku neakumbane adi bionsu binudi numona ebi ne bua kuupuka. Kakushala dibue ditentakaja pa dikuabu nansha.