Misambu 137:1 - MUKANDA WA MYIDI MUKULU

¹ Tuvua basombe ku misulu ya mu Babilone, tuvua tudila, tutenda Siyone.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hatuakadi hehi ne misulu ya mu Babulona, tuakashikamaku, bulelela, tuakadila, hatuakavuluka Siona.

Misambu 137:1 ပူးပေါင်းရင်းမြစ်များ

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

Ezela 8:31

Mu matuku dikumi ne abidi a ngondu wa kumpala, tuetu kumuka ku mukidi wa Akava, bua kuya mu Yerushalayime. Mu luendu alu, Mvidi Mukulu wetu uvua molole tshianza tshiende, bua kutulama ku baluishi ne bena buivi, bua kabatutatshishi.

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Yirmeya 13:4

“Angata mukaba uudi musumbe, uye nawu ku musulu wa muenji mukole wa Fara, uusokoke muaba awu mu mutanta wa lubuebue.”

Yirmeya 15:17

Tshivua muye kusomba ne bantu bakuabu, bua kuseka nabu nansha. Bualu udi munteke tshianza tshiebe pambidi, munsombeshe ku mpenga pa nkayanyi, tshiji tshiudi mutekele bantu abu ntshimbuele munda bikole.

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 2:18

Yerushalayime, ela mbila yebe kudi Maweja-Nangila, tuaku mikemu bikole. Puekesha binsonji munya ne butuku, bungi bu mayi a musulu. Kulekedi, kukoshi muadi nansha!

Muadi 3:48

Mesu anyi adi apuekesha binsonji bu mayi a musulu, bua dibutuka dia bena tshisamba tshianyi.

Muadi 3:51

Bualu budi buenzekela nsongakaji ya mu tshimenga tshianyi, budi bunnyingalaja bikole.

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Yezekiyele 1:3

Nanku matuku atanu a ngondu, kuine aku, mu ditunga dia Babilone, ku muelelu wa musulu wa Kebare, Maweja-Nangila kungambila malu. Meme kumtua bukole buende pambidi panyi.

Yezekiyele 3:15

Meme kufika ku Tele-Abibe, pabuipi ne bantu bavua basombe mu bupika, ku muelelu wa musulu wa Kebare. Meme kushala nabu matuku muanda mutekete, muikale nzakala, tshiyi mumanye tshia kuenza.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Luke 19:41

Yezu ufika pabuipi ne tshimenga, utshimona, kuasaye muadi bualu buatshi,

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.