Misambu 135:7 - MUKANDA WA MYIDI MUKULU

⁷ Udi ubandisha mavuba ku ntengu ya buloba, ulokesha mvula wa mipenya, utuma tshipepele tshikole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye udi ubandisha dibungi ku matengu a buloba, udi wenzela nvula miele ya nvula, udi uhatula luhehele mu bibutshilu biandi.

Misambu 135:7 ပူးပေါင်းရင်းမြစ်များ

1 Bakalenga 18:1

Matuku a bungi mamane kupita, munkatshi mua tshidimu tshisatu tshia munanga, Maweja-Nangila kuambila muambi Eliya ne: — Uye kudi mukalenga Akabe, umuambila ne: Meme Maweja-Nangila nendokeshe mvula pa buloba buvua bumisha kudi munanga.

Yobe 5:10

Amu yeye ke udi ulokesha mvula bua kufila tshitalela pa buloba. Udi utuma mayi makumbana pa madimi.

Misambu 107:25

Yeye kuakula, tshipepela tshikole kujuka, kujulatshi mavuala mavule pa mayi.

Misambu 148:8

nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Misambu 78:26

Pashishe Mvidi Mukulu kupatula lupepela mu diulu, luseke ludi diba dipatukila, kuenzeja lupepela lua kuinshi kua ditunga bua lupepe bikole.

Yirmeya 10:13

Maweja-Nangila kutuma diyi dikole, mayi kusangila pamue mu diulu, mavuba manene kubandawu, atumine ku ndekelu kua diulu ne buloba, miele kuela, mvula kuloka, bipepele kupatuka mu mayeba abi.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 51:16

Yeye mutume amu diyi mayi adi unguila mu diulu, mavuba manene adi abanda afuma ku muelelu kua buloba. Mikenya idi ipenya, ileja mvula njila. Mpepele idi ipatuka mu mayeba a Maweja-Nangila.

Yona 1:4

Kadi Maweja-Nangila kutuma tshipepele tshikole pa mayi manene. Mavuala makole kujuka. Buatu buvua pamue ne kupandika.

Zekâya 10:1

Tendelelayi Maweja-Nangila, anulokeshile mvula a mbedi. Yeye ke udi utuma mavuba a mvula. Neanulokeshile mvula wa bungi, neameneshe ntete bua muntu yonsu apete biakudia mu madimi.

Yowanane 3:8

Lupepele ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.