Misambu 132:15 - MUKANDA WA MYIDI MUKULU

¹⁵ Eyowa, nengenzele Siyone bimpe, mmupeshe tshiakudia, nempeshe bapele bende biakudia bionsu, bidibu nabi dijinga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nenyudishile bia kudia bia musoko eu disanka dikumbane; nengukutshishe bahele badimu ne bia kudia.

Misambu 132:15 ပူးပေါင်းရင်းမြစ်များ

Misambu 107:9

Bualu udi mupeshe bavua ne nyota mayi a kunua, mubumbuile bavua ne nzala bivuabu bakengela.

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Misambu 37:19

Bantu abu kabakufua bundu diba dia dikenga. Mu bikondu bia nzala nebapete bonsu bidibu nabi dijinga.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Yirmeya 31:14

Nempeshe batuangaji munyinyi muimpe wa nyama ya mafuta ya milambu. Nenkumbaje majinga onsu adi bantu banyi nawu.

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Malaki 2:2

— Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Luke 1:53

Uvua mupeshe bavua ne nzala bilenga bia bungi, mutangalaje babanji bianza bitupu.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.