Misambu 131:2 - MUKANDA WA MYIDI MUKULU

² Kadi ndi mutukije, mushale mupuwe, bu mudi muana mutekete musombe padi mamuende. Bu mudi muana musombe mupuwe ke mundi meme.

Mukanda wa Nzambi Dihungila Dikulukulu ne Dihungila Dihia-dihia 2003

² Bulelela, nakuholesha mutshima wanyi, nakûtalasha, bu muana mujile mabele utshidi kudi mamuʼandi. Muoyo udi munda muanyi udi bu muana mujile mabele.

Misambu 131:2 ပူးပေါင်းရင်းမြစ်များ

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”

Misambu 42:5

Ndi mvuluka malu a kale, muoyi wanyi ungitshikila munda. Tuvua tuenda bantu tshisumbu, tuya mu nzubu wa Mvidi Mukulu bua tshibilu, tutumbisha Mvidi Mukulu, tumuela tunkunduluila.

Misambu 43:5

Ndi mpita kubungama bua tshinyi. Muoyi wanyi udi upampakana bualu kaayi? Tekemena Mvidi Mukulu, nemmutumbishe tshiakabidi! Yeye ke Mupandishi wanyi ne Mvidi Mukulu wanyi!

Misambu 62:1

Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

Yeshaya 30:15

Maweja-Nangila Mvidi Mukulu, wa tshijila wa bena Izrayele, udi wamba ne: Nenupande, amu panudi nupingana kundi, kabidi panudi nushala ne lutulu. Nenuikale ne bukole buenu, panudi nulama lutulu luenu, nutekemena kundi. Kadi nuenu kubenga amu kubenga.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Marke 10:15

Ndi nnujadikila ne: udi kayi wanyisha Bukalenga bua Mvidi Mukulu bu mudi muana, kena mua kubuelamu nansha.

Luke 21:19

Nenupande amu panuikala nunanukila.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Samuele 24:10

wela Shawule lusanzu ne: — Mukalenga Shawule, bua tshinyi udi witaba malu adi bantu bakuambila ne: meme Davide ndi nkukeba mua kukuenzela bibi?

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.